கார்த்தி நடிப்பில் கடந்த 2019 ஆம் ஆண்டு வெளியான ’கைதி’ திரைப்படம் மிகப்பெரிய வெற்றி பெற்ற நிலையில் இந்த படத்தின் இரண்டாம் பாகம் விரைவில் உருவாகும் என்று எதிர்பார்க்கப்படுகிறது. அனேகமாக ’தலைவர் 171’ படத்தை இயக்கி முடித்தவுடன் இயக்குனர் லோகேஷ் கனகராஜ், ’கைதி 2’ படத்தை தொடங்குவார் என்று எதிர்பார்க்கப்படுகிறது.

இந்த நிலையில் கார்த்தி நடித்த இன்னொரு திரைப்படத்தின் இரண்டாம் பாகம் குறித்த அறிவிப்பை அவரே தனது சமூக வலைதளத்தில் வெளியிட்டுள்ளார். நடிகர் கார்த்தி நடித்த ’சர்தார்’ திரைப்படம் வெளியாகி இன்றோடு ஒரு வருடம் நிறைவடைவதை அடுத்து, அவர் வெளியிட்டுள்ள வீடியோவில் ’சர்தார் 2’ விரைவில் உருவாகும் என்று தெரிவித்துள்ளார்.

’கைதி 2’ ’சர்தார் 2’ என அடுத்தடுத்து இரண்டு சூப்பர் ஹிட் படங்களின் இரண்டாம் பாகங்களில் கார்த்தி நடிக்க இருப்பது அவரது ரசிகர்களுக்கு உற்சாகத்தை ஏற்படுத்தியுள்ளது

இந்த நிலையில் கார்த்தி நடித்த ’ஜப்பான்’ திரைப்படம் வரும் தீபாவளி அன்று திரையரங்குகளில் பிரம்மாண்டமாக வெளியாக உள்ளது என்பது குறிப்பிடத்தக்கது. ராஜு முருகன் இயக்கத்தில் உருவான இந்த படம் கார்த்தியின் 25வது படம் என்பதும் தெரிந்ததே

One year of Blockbuster #Sardar
Thank you my dear fans and audience for this great milestone. #Sardar2 loading soon.@Psmithran @lakku76 @Prince_Pictures pic.twitter.com/CDLDqXLHG0

— Karthi (@Karthi_Offl) October 21, 2023