தமிழ் மலையாள திரைப்பட நடிகையும் குக் வித் கோமாளி போட்டியாளர்களில் ஒருவருமான ஷகிலா, சமீபத்தில் காங்கிரஸ் கட்சியில் இணைந்த நிலையில் போகப்போக என் ஆட்டத்தை பார்ப்பீர்கள் என்று பேட்டி அளித்துள்ளார்

காங்கிரஸ் கட்சியில் இணைந்த ஷகிலா செய்தியாளர்களிடம் பேசுகையில் ’பெண்களுக்கு நல்லது செய்ய வேண்டும் என்பதற்காக அரசியலுக்கு வந்துள்ளதாகவும், நடிகை என்பதையும் தாண்டி ஒரு தனி அடையாளம் பெறுவதற்காகவும் நல்லது செய்வதற்கு பவர் வேண்டும் என்பதாலும் அரசியலுக்கு வந்துள்ளதாகவும், எனது தனிப்பட்ட தேவைகளுக்காக அரசியலுக்கு வரவில்லை என்றும் அவர் குறிப்பிட்டுள்ளார்

காங்கிரஸ் கட்சியில் இருந்து குஷ்பு விலகியதால், நான் குஷ்பு இடத்தை நிரப்புவதற்காக காங்கிரஸ் கட்சியில் இணைந்து உள்ளதாகக் கூறுவது தவறு என்றும் குஷ்புவுடன் என்னை ஒப்பிட வேண்டாம் என்றும் அரசியலில் அவர் எனக்கு சீனியர் என்றும் தெரிவித்துள்ளார்

மேலும் கட்சித் தலைமை அனுமதி அளித்தால் தமிழகம் முழுவதும் பிரச்சாரம் செய்வேன் என்றும் அரசியலில் இருந்தாலும் எனது சினிமா பயணம் வழக்கம் போல் தொடரும் என்றும் ஷகிலா கூறியுள்ளார். மேலும் அரசியலுக்கு நான் இப்பொழுது தான் வந்திருக்கிறேன் என்பதால் என்னிடம் நிறைய கேள்வி கேட்க வேண்டாம் என்றும் ஆனால் அதே நேரத்தில் என்னுடைய ஆட்டத்தை போகப்போக பார்ப்பீர்கள் என்றும் ஷகிலா தெரிவித்துள்ளார்.