வரும் தீபாவளிக்கு கார்த்தி நடித்த ’ஜப்பான்’ மற்றும் கார்த்திக் சுப்புராஜ் இயக்கத்தில் உருவான ’ஜிகர்தண்டா 2’ ஆகிய இரண்டு திரைப்படங்கள் வெளியாகும் என அதிகாரப்பூர்வமாக அறிவிக்கப்பட்ட நிலையில் தீபாவளி பட்டியலில் இன்னொரு திரைப்படம் இணைய இருப்பதாக தற்போது தகவல் வெளியாகியுள்ளது.

ஏற்கனவே தீபாவளி தினத்தில் வெளியாகும் என்று கூறப்பட்ட ’அயலான்’ படம் அடுத்த ஆண்டு பொங்கல் தினத்தில் வெளியாகும் என்று அறிவிக்கப்பட்டுள்ளது. அதேபோல் விக்ரமின் ‘துருவ நட்சத்திரம்’ படம் தீபாவளிக்கு வெளியாகும் என்று எதிர்பார்க்கப்பட்ட நிலையில் அந்த படமும் நவம்பர் 24ஆம் தேதி வெளியாகும் என்று அறிவிக்கப்பட்டுள்ளது.

இந்த நிலையில் ’ஜப்பான்’ ’ஜிகர்தண்டா 2’ ஆகிய இரண்டு படங்கள் மட்டுமே தீபாவளிக்கு வெளியாகும் என்று எதிர்பார்க்கப்பட்ட நிலையில் தற்போது விக்ரம் பிரபு நடித்த ’ரெய்டு’ என்ற திரைப்படம் தீபாவளிக்கு ரிலீசாக இருப்பதாக கூறப்படுகிறது.சமீபத்தில் வெளியான ’இறுகப்பற்று’ என்ற திரைப்படத்தில் விக்ரம் பிரபு நடிப்பு பாராட்டப்பட்ட நிலையில் அவர் நடித்த முடித்துள்ள ’ரெய்டு’ திரைப்படம் ரிலீசுக்கு தயாராகி உள்ளது..

கன்னடத்தில் சிவராஜ்குமார் நடிப்பில் உருவான ’தகறு’ என்ற திரைப்படத்தின் ரீமேக் படமான இந்த படத்தில் ஸ்ரீதிவ்யா, அனந்திகா, ரிஷி ரித்விக், சவுந்தர்ராஜா உள்ளிட்ட பலர் நடித்துள்ளனர். கார்த்தி இயக்கத்தில், சாம் சிஎஸ் இசையில், கதிரவன் ஒளிப்பதிவில் மணிமாறன் படத்தொகுப்பில் உருவாகிய இந்த படம் தீபாவளிக்கு ரிலீசாகும் என்றும் இது குறித்து முறையான அறிவிப்பு விரைவில் வெளியாகும் என்றும் கூறப்படுகிறது.