சென்னை சூப்பர் கிங்ஸ் அணியில் இணைந்துவிட்டாலே அனைவரும் தானாகவே தமிழர்களாக மாறி தமிழில் டுவீட் போட தொடங்கிவிடுகின்றனர். சமீபத்தில் சிஎஸ்கே அணியில் புதிதாக இணணந்த ஹர்பஜன் சிங், தமிழில் டுவீட்டுக்களை போட்டு கலக்கி வருவதை பார்த்தோம்

இந்த நிலையில் சிஎஸ்கே அணியின் இன்னொரு வீரரான இம்ரான் தாஹிரும் தமிங்கிலிஷில் டுவிட் ஒன்றை பதிவு செய்துள்ளார். அவர் தனது டுவீட்டில் கூறியுள்ளதாவது: என் இனிய தமிழ் மக்களே. வணக்கம். சிங்கார சென்னைக்கு நாளை வந்துவிடுவேன். உங்கள் அன்பும் ஆதரவும் எதிர்பார்த்து வரும் உங்கள் அன்பு சகோதரன். வரோம், தட்றோம், தூக்கறோம். எடுடா வண்டிய, போடுடா விசில' என்று டுவீட் செய்துள்ளார்

இப்படியே போனால் சிஎஸ்கே அணியில் உள்ள 25 பேரும் இனி ஐபிஎல் முடியும் வரை தமிழில் தான் டுவீட் செய்வார்கள் போல தெரிகிறது என நெட்டிசன்கள் கமெண்ட்டுக்களை பதிவு செய்து வருகின்றனர்.