தளபதி விஜய் த்ரிஷாவுடன் இணைந்து நடித்த ’கில்லி’ திரைப்படம் சமீபத்தில் வெளியானது என்பதும் இந்த படம் புதிய படங்களுக்கு இணையாக மூன்று வாரங்கள் திரையரங்குகளில் சுமார் 30 கோடி ரூபாய் வசூல் செய்து குவித்தது என்பதையும் ஏற்கனவே பார்த்தோம்.

இந்த நிலையில் அடுத்ததாக தளபதி விஜய்யின் பிறந்த நாளான ஜூன் 22ஆம் தேதி நயன்தாராவுடன் விஜய் நடித்த ’வில்லு’ திரைப்படம் வெளியிட திட்டமிடப்பட்டு இருப்பதாக கூறப்படுகிறது. கடந்த 2019 ஆம் ஆண்டு விஜய், நயன்தாரா, ரஞ்சிதா, பிரகாஷ் ராஜ், வடிவேலு உள்ளிட்ட பலர் நடிப்பில் பிரபுதேவா இயக்கத்தில் தேவி ஸ்ரீ பிரசாத் இசையில் உருவான இந்த படம் மீண்டும் ரிலீசானால் ’கில்லி’ போடவே சூப்பர் ஹிட் ஆகுமா என்பதை பொறுத்திருந்து பார்ப்போம்.

’கில்லி’ படத்திற்கு பிறகு அஜித்தின் 'தீனா’ படமும் ரீரிலீஸ் ஆகியுள்ள நிலையில் அவர் நடித்த ’மங்காத்தா’ உள்பட சில படங்களை ரீரிலீஸ் செய்ய திட்டமிட்டு வரும் நிலையில் அடுத்ததாக சில விஜய்யின் படங்களும் அடுத்தடுத்து வரிசையாக ரீரிலீஸ் ஆக இருப்பது அஜித் விஜய் ரசிகர்களுக்கு கொண்டாட்டமாக உள்ளது என்பது குறிப்பிடத்தக்கது.

திரையரங்குகளில் ரீ ரிலீஸ் செய்யப்படும் படங்கள் அடுத்தடுத்து வசூலை குவித்து வருவதால் இன்னும் பல படங்கள் ரீ மாஸ்டர் செய்யப்பட்டு ரீரிலீசுக்கு தயாராகி வருவதாகவும் கூறப்படுகிறது.