பிக்பாஸ் வீட்டில் நடைபெற்று வரும் ஃபினாலே டாஸ்க்கில் ஏற்கனவே 4 சுற்றுகள் முடிந்துள்ள நிலையில் இன்று நடைபெற்ற ஐந்தாவது சுற்றில் ரியோ வெற்றி பெற்றதால் அவருக்கு 7 புள்ளிகள் கிடைத்தது. எனவே ரியோ 26 புள்ளிகளுடன் அவர் முதலிடத்தில் உள்ளார்.

ரியோவை அடுத்து பாலாஜி மற்றும் ரம்யா ஆகிய இருவரும் தலா 23 புள்ளிகளுடன் இரண்டாம் இடத்தில் உள்ளனர். மேலும் ஷிவானி 20 புள்ளிகளும், ஆரி 19 புள்ளிகளும், சோம் 18 புள்ளிகளும், கேபி 11 புள்ளிகளும் பெற்றுள்ளனர். முதலிடத்தில் உள்ள ரியோவுக்கும் இரண்டாமிடத்தில் உள்ள பாலாஜி, ரம்யாவுக்கும் இடையே 3 புள்ளிகள் மட்டுமே இடைவெளி உள்ள நிலையில் அடுத்த சுற்றுகளில் இந்த நிலை மாறுமா? என்பதை பொறுத்திருந்து பார்ப்போம்.

இதனையடுத்து ஆறாவது சுற்று தொடங்குகிறது. இந்த சுற்றில் ஒவ்வொரு போட்டியாளரும் மற்ற ஆறு போட்டியாளர்களின் குறையை சொல்ல வேண்டும். இந்த சுற்றின் முடிவில் யார் யாருக்கு எத்தனை புள்ளிகள் என்பதை பொறுத்திருந்து பார்ப்போம்.