ఈగ నుండి చేప...
- IndiaGlitz, [Thursday,July 06 2017]
వ‌రుస విజ‌యాల‌ను సాధిస్తున్న నేచుర‌ల్ స్టార్ నాని ఇప్పుడు న‌టుడే కాదు, నిర్మాత కూడా. డి ఫ‌ర్ దోపిడి సినిమాకు నాని నిర్మాత‌గా మారారు. ఆ సినిమా త‌ర్వాత నాని మ‌రే సినిమాను నిర్మించ‌లేదు. డి ఫ‌ర్ దోపిడి త‌ర్వాత నాని మ‌రో సినిమాకు నిర్మాత‌గా వ్య‌వ‌హ‌రించ‌నున్నాడ‌ట. ప్ర‌శాంత్ శ‌ర్మ ద‌ర్శ‌క‌త్వంలో చేప ప్ర‌ధాన పాత్ర‌లో ఓ సినిమా రూపొంద‌నుంద‌ని టాలీవుడ్ వ‌ర్గాల సమాచారం.
ఈ సినిమాకు నాని నిర్మాత కానున్నాడ‌ట. అప్ప‌ట్లో ఈగ సినిమాతో తెలుగు సినిమా ఖ్యాతి ప్రపంచానికి తెలిసింది. రాజ‌మౌళి ద‌ర్శ‌క‌త్వంలో వ‌చ్చిన ఈగ ఎన్నో అంత‌ర్జాతీయ అవార్డుల‌ను కూడా గెలుచుకుంది. ఈగ సినిమాలో నానియే హీరో. ఈగ పాత్ర‌ధారి. మ‌రి ప్ర‌శాంత్ శ‌ర్మ సినిమాకు నాని నిర్మాత. మ‌రి ఇందులో న‌టీన‌టులెవ్వ‌ర‌నేది ఇంకా తెలియ‌డం లేదు. త్వ‌ర‌లోనే ఆ వివ‌రాలు వెల్ల‌డ‌య్యే అవ‌కాశాలు క‌న‌ప‌డుతున్నాయి.