நடிகர் சந்தானம் நடித்த ’டிடி ரிட்டன்ஸ்’ என்ற திரைப்படம் சமீபத்தில் வெளியாகி நல்ல வரவேற்பை பெற்றது என்றும் இந்த படம் நல்ல வசூலையும் பெற்று வருவதாகவும் செய்திகள் வெளியாகி உள்ளது.

நீண்ட இடைவேளைக்கு பிறகு சந்தானம் படம் வெற்றி பெற்றுள்ளதை அடுத்து தற்போது அவரது அடுத்த படத்தையும் உடனடியாக ரிலீஸ் செய்ய திட்டமிடப்பட்டுள்ளதாக தகவல் வெளியாகி உள்ளன.

சந்தானம் நடிப்பில் பிரசாந்த் ராஜ் இயக்கத்தில் உருவாகியுள்ள திரைப்படம் ’கிக்’ . இந்த படத்தின் படப்பிடிப்பு முடிவடைந்து ரிலீஸ்-க்கு தயாராக உள்ளது என்பதும் ஏற்கனவே இந்த படம் சென்சாரில் ’யூஏ’ சான்றிதழ் பெற்று விட்டதாகவும் 134 நிமிடங்கள் ரன்னிங் டைம் என்றும் தகவல் வெளியானது

இந்த நிலையில் ’டிடி ரிட்டன்ஸ்’ வெற்றியை அடுத்து உடனடியாக அடுத்த மாதம் ’கிக்’ படத்தை வெளியிட படக்குழுவினர் திட்டமிட்டுள்ளனர். ரிலீஸ் தேதி குறித்து அதிகாரப்பூர்வ அறிவிப்பு இன்னும் ஒரு சில நாட்களில் வெளியாகும்.

சந்தானம் ஜோடியாக ’தாராள பிரபு’ படத்தில் நடித்துள்ள தன்யா ஹோப் நடித்துள்ளார். மேலும் ’கிக்’ படத்தில் தம்பி ராமையா, பிரம்மானந்தம், செந்தில், கோவை சரளா, மன்சூர் அலிகான், மனோபாலா, மொட்டை ராஜேந்திரன், ராகினி திவேதி ஆகியோர் நடித்துள்ளனர். அர்ஜுன் ஜன்யா இசையில், சுதாகர் ராஜ் ஒளிப்பதிவில் இந்த படம் உருவாகியுள்ளது.