சூப்பர் ஸ்டார் ரஜினிகாந்த் நடிப்பில் பிரமாண்ட இயக்குனர் ஷங்கர் இயக்கத்தில் ஆஸ்கார் நாயகன் ஏ.ஆர்.ரஹ்மான் இசையில் லைகா நிறுவனத்தின் பிரமாண்ட தயாரிப்பில் உருவான '2.0' திரைப்படம் ஏற்கனவே உலகின் பல நாடுகளில் வெளியாகி பெரும் வரவேற்பை பெற்ற நிலையில் இந்த படம் சீனாவில் வரும் 23ஆம் தேதி பிரமாண்டமாக வெளியாகவுள்ளது.

இந்த நிலையில் சீனாவை அடுத்து ரஷ்யாவிலும் இந்த படம் ஜூலை 12ஆம் தேதி வெளியிடவுள்ளதாக அறிவிக்கப்பட்டுள்ளது. மேலும் ரிலீஸ் தேதியுடன் கூடிய ரஷ்ய மொழி டிரைலரும் வெளியிடப்பட்டு இந்த தகவலை படக்குழுவினர் உறுதி செய்துள்ளது.

'பாகுபலி' படத்தை அடுத்து தமிழில் தயாரான ஒருசில படங்கள் சீனாவில் ரிலீஸ் செய்யப்படுவதாக அறிவிக்கப்பட்டாலும் இந்த தகவல்கள் உறுதி செய்யப்படவில்லை. ஆனால் 2.0 திரைப்படம் சீனாவில் மட்டுமின்றி ரஷ்யாவிலும் ரிலீஸ் ஆவது தற்போது உறுதி செய்யப்பட்டுள்ளது.