ஹிப் ஹாப் தமிழா ஆதியின் அடுத்த படத்தில் 'பிகில்' நட்சத்திரம்!
- IndiaGlitz, [Monday,November 25 2019]
தளபதி விஜய் நடிப்பில் கடந்த தீபாவளி அன்று வெளியான சூப்பர் ஹிட் வெற்றி படமான ’பிகில்’ படத்தில் இடம்பெற்ற ’வெறித்தனம்’ என்ற பாடல் பட்டிதொட்டியெங்கும் பயங்கர ஹிட் என்பது அனைவரும் அறிந்ததே. இந்த பாடலை விஜய் உடன் பாடியவர் குழந்தை நட்சத்திரமான ’பூவையார்’ என்பதும் இந்த பாடலில் அவர் ஓரிரு காட்சிகளில் நடனமாடி இருப்பார் என்பதும் அனைவரும் அறிந்ததே
இந்த நிலையில் ‘பிகில்’ படத்தை அடுத்து ஹிப்ஹாப் ஆதி நடிக்கவுள்ள அடுத்த படத்தில் நடிக்கவும் பாடவும் பூவையார் ஒப்பந்தமாகியுள்ளதாக செய்திகள் வந்துள்ளது. இந்த செய்தியை தனது சமூக வலைத்தளத்தில் ஹிப் ஹாப் தமிழா ஆதி உறுதி செய்துள்ளார்
குழந்தை நட்சத்திரம் பூவையாருக்கு நடிப்பது மட்டுமின்றி ஒரு பாடலை தயார் செய்து அதனை சிங்கிள் பாடலாக வெளியிட திட்டமிட்டு உள்ளதாகவும் அவர் தெரிவித்துள்ளார். மேலும் பூவையார் மற்றும் ஹிப்ஹாப் தமிழா இருவரும் இணைந்து எடுத்த புகைப்படத்தையும் அவர் வெளியிட்டுள்ளார்
ஹிப்ஹாப் தமிழா ஆதியின் படம் மட்டுமன்றி விக்ரம் நடிப்பில் அஜய் ஞானமுத்து இயக்கவுள்ள ‘விக்ரம் 58’ படத்திலும் ஒரு முக்கிய கேரக்டரில் நடிக்க பூவையார் ஒப்பந்தமாகியுள்ளார் என்பது குறிப்பிடத்தக்கது. மேலும் தற்போது விஜய் நடித்துவரும் ’தளபதி 64’ படத்திலும் பூவையார் ஒரு சிறிய கேரக்டரில் நடிக்கவிருப்பதாக கூறப்படுகிறது
Big fan of this little guy here ❤️ I promised him, i’ll make a single with him & its done ?? pic.twitter.com/UJhxTk43Ro
— Hiphop Tamizha (@hiphoptamizha) November 23, 2019