బాహుబ‌లి2 త‌రువాత జైల‌వ‌కుశ‌నే
- IndiaGlitz, [Wednesday,September 20 2017]
ఎన్టీఆర్ త్రిపాత్రాభిన‌యం చేసిన తొలి చిత్రం జైల‌వ‌కుశ. ఆయ‌న సోద‌రుడు క‌ళ్యాణ్ రామ్ ప్ర‌తిష్టాత్మ‌కంగా నిర్మించిన ఈ చిత్రానికి బాబీ ద‌ర్శ‌క‌త్వం వ‌హించారు. రాశిఖ‌న్నా, నివేదా థామ‌స్ క‌థానాయికలు. దేవిశ్రీ ప్ర‌సాద్ సంగీత‌మందించారు. ఇదిలా ఉంటే.. రేపు ఈ సినిమా ప్రేక్ష‌కుల ముందుకు రానుంది. దాదాపు 2400 థియేట‌ర్స్‌లో జైల‌వ‌కుశ‌ని విడుద‌ల చేయ‌నున్నార‌ని స‌మాచారం.
అదే గ‌నుక నిజ‌మైతే.. బాహుబ‌లి 2 త‌రువాత ఎక్కువ థియేట‌ర్స్‌లో రిలీజ‌వుతున్న తెలుగు సినిమా జై ల‌వ‌కుశ‌నే అవుతుంది. ప్ర‌పంచ వ్యాప్తంగా విడుద‌ల కానున్న జై ల‌వ కుశ పై భారీ అంచ‌నాలే ఉన్నాయి.
టెంప‌ర్‌, నాన్న‌కు ప్రేమ‌తో, జ‌న‌తా గ్యారేజ్ వంటి హ్యాట్రిక్ విజ‌యాల త‌రువాత తార‌క్ నుంచి వ‌స్తున్న ఈ చిత్రంలో త‌మ‌న్నా ప్ర‌త్యేక గీతంలో న‌ర్తించింది. ఊస‌ర‌వెల్లి త‌రువాత ఎన్టీఆర్, త‌మ‌న్నా కాంబినేష‌న్‌లో రూపొందిన చిత్ర‌మిదే కావ‌డం విశేషం.