சிவகார்த்திகேயன் நடித்த ’அயலான்’ திரைப்படம் வரும் பொங்கல் விருந்தாக வெளியாக இருக்கும் நிலையில் இந்த படம் வெளியாகி ஒரு சில நாட்களில் ரசிகர்களுக்கு இன்னொரு இன்ப அதிர்ச்சி கொடுக்க சிவக்கார்த்திகேயன் திட்டமிட்டுள்ளதாக தகவல் வெளியாகியுள்ளது.

சிவகார்த்திகேயன் நடிப்பில் ராஜ்குமார் பெரியசாமி இயக்கத்தில் உருவாகி வரும் திரைப்படம் 'எஸ்கே 21’. இந்த படத்தின் படப்பிடிப்பு 90% முடிந்து விட்டதாக சமீபத்தில் சிவகார்த்திகேயன் பேட்டியில் தெரிவித்திருந்த நிலையில் மீதமுள்ள 10 சதவீதம் படப்பிடிப்பு விரைவில் தொடங்க உள்ளது.

இந்த நிலையில் ஜனவரி 12ஆம் தேதி ’அயலான்’ திரைப்படம் வெளியாக இருக்கும் நிலையில் ஜனவரி 26 ஆம் தேதி ’எஸ்கே 21’ படத்தின் டைட்டில் உடன் கூடிய ஃபர்ஸ்ட் லுக் போஸ்டர் வெளியிட திட்டமிடப்பட்டு இருப்பதாக தகவல் வெளியாகி உள்ளது. மேலும் இந்த படத்தை வரும் ஆகஸ்ட் மாதம் ரிலீஸ் செய்யவும் படக்குழுவினர் திட்டமிட்டுள்ளனர்.

சிவகார்த்திகேயன் ஜோடியாக சாய் பல்லவி நடிக்கும் இந்த படத்தில் ஜிவி பிரகாஷ் இசையமைத்து வருகிறார் என்பதும் கமல்ஹாசனின் ராஜ்கமல் பிலிம்ஸ் இன்டர்நேஷனல் நிறுவனம் இந்த படத்தை தயாரித்து வருகிறது என்பது குறிப்பிடத்தக்கது. சிவகார்த்திகேயன் ராணுவ வீரராக இந்த படத்தில் நடித்துள்ளார் என்பது குறிப்பிடத்தக்கது