'அயலான்' படத்தை அடுத்து ரவிகுமாரின் திட்டம்.. மாஸ் நடிகரிடம் பேச்சுவார்த்தை..!
- IndiaGlitz, [Sunday,January 07 2024]
ரவிக்குமார் இயக்கத்தில், சிவகார்த்திகேயன் நடிப்பில் உருவான ’அயலான்’ திரைப்படம் வரும் பொங்கல் விருந்தாக வெளியாக இருக்கும் நிலையில் ரவிக்குமாரின் அடுத்த படம் குறித்த தகவல் கசிந்துள்ளது.
ரவிக்குமார் இயக்கத்தில் உருவாக இருக்கும் அடுத்த திரைப்படத்தில் சூர்யா நடிக்க வாய்ப்பு இருப்பதாகவும் சூர்யா தற்போது கமிட் ஆகியுள்ள படங்களை முடித்துவிட்டு ரவிக்குமாரின் படத்தில் நடிப்பார் என்றும் கூறப்படுகிறது
சூர்யாவுக்கு தான் ஒரு கதை சொல்லி உள்ளதாகவும் அதுவும் ஒரு சயின்ஸ் பிக்சன் கதை தான் என்றும் இந்த படத்தில் சூர்யா நடிக்க ஒப்புக்கொண்டிருப்பதாகவும் விரைவில் இது குறித்து அறிவிப்பு வெளியாகும் என்றும் சமீபத்தில் அளித்த பேட்டியில் இயக்குனர் ரவிகுமார் கூறியுள்ளார். ரவிக்குமார் சூர்யா இணையும் இந்த படத்தை ட்ரீம் வாரியார் நிறுவனம் தயாரிக்க அதிக வாய்ப்பு இருப்பதாகவும் கூறப்படுகிறது.
ஏற்கனவே ’அயலான்’ படத்தின் இரண்டாம் பாகத்தை இயக்கவும் ரவிக்குமார் திட்டமிட்டுள்ளார். அதேபோல் சூர்யா ஏற்கனவே ’24’ உள்பட ஒரு சில சயின்ஸ் பிக்சன் படங்களில் நடித்துள்ளதால் அவருக்கு ரவிக்குமார் கூறிய கதையும் பிடித்து விட்டதாக தெரிகிறது.
சூர்யா ஏற்கனவே சுதா கொங்காரா படம், வெற்றிமாறன் படம் உள்பட ஒருசில படங்களில் கமிட் ஆகி உள்ளதால் ரவிக்குமார் உடன் அவர் இணைவது எப்போது என்பதை பொறுத்திருந்துதான் பார்க்க வேண்டும்.