ஏ.ஆர்.முருகதாஸ், அட்லியை அடுத்து பாலிவுட் செல்லும் லோகேஷ் கனகராஜ்.. ஹீரோ இந்த பிரபலமா?
- IndiaGlitz, [Monday,August 19 2024]
தமிழ் திரை உலகை சேர்ந்த பிரபல இயக்குனர்கள் பாலிவுட்டில் வெற்றி படங்களை இயக்கி வரும் நிலையில் அடுத்த கட்டமாக லோகேஷ் கனகராஜ் பாலிவுட் திரையுலகின் முன்னணி நடிகர் ஒருவரின் படத்தை இயக்க இருப்பதாக கூறப்படுகிறது.
கோலிவுட் திரையுலகின் முன்னணி இயக்குனரான அட்லி, ஷாருக்கான் நடித்த ’ஜவான்’ திரைப்படத்தை இயக்கினார் என்பதும் அந்த படம் சூப்பர் ஹிட் வெற்றி பெற்று ரூ.1000 கோடிக்கும் அதிகமாக வசூல் செய்தது என்பது தெரிந்தது.
அதேபோல் பிரபல இயக்குனர் ஏ ஆர் முருகதாஸ், சல்மான்கான் நடிக்க இருக்கும் ’சிக்கந்தர்’ என்ற படத்தை இயக்கி வருகிறார் என்பதும் குறிப்பிடத்தக்கது
இந்த நிலையில் அட்லி, ஏஆர் முருகதாஸ் ஆகியோர்களை அடுத்து லோகேஷ் கனகராஜ் பிரபல பாலிவுட் நடிகர் அமீர்கான் நடிக்கும் திரைப்படத்தை இயக்க இருப்பதாகவும் இந்த படத்தின் ஆரம்பகட்ட பேச்சுவார்த்தை முடிந்து விட்டதாகவும் விரைவில் இந்த படம் குறித்த அறிவிப்பு வெளியாகும் என்றும் கூறப்படுகிறது.