தமிழ் திரை உலகில் அதிகபட்சமாக இரண்டு பாகங்கள் மட்டும் திரைப்படம் எடுத்துக் கொண்டிருக்கும் நிலையில் ’சிங்கம்’ ’இந்தியன்’ உள்பட ஒரு சில படங்கள் மட்டுமே மூன்றாம் பாகமும் தயாரிக்கப்பட்டு வருகிறது.

ஆனால் சுந்தர் சி தான் இயக்கிய ‘அரண்மனை’ படத்தின் நான்காம் பாகத்தை சமீபத்தில் இயக்கி வெளியிட்டார் என்பதும் அந்த படம் சூப்பர் வெற்றி பெற்று ரூ.100 கோடிக்கும் அதிகமாக வசூல் செய்து சாதனை செய்தது என்பது தெரிந்ததே.

இந்த நிலையில் ‘அரண்மனை’ படத்தை அடுத்து ’காஞ்சனா’ படத்தின் நான்காம் பாகத்தை இயக்க ராகவா லாரன்ஸ் திட்டமிட்டு உள்ளதாகவும் இதற்கான பணிகள் விரைவில் தொடங்க இருப்பதாக கூறப்படுகிறது.

கடந்த சில மாதங்களுக்கு முன்பே ’காஞ்சனா 4’ படத்தின் ஸ்கிரிப்ட் பணியை ராகவா லாரன்ஸ் முடிந்துவிட்ட நிலையில் விரைவில் படப்பிடிப்பை தொடங்க இருப்பதாகவும் இந்த படத்தை அவரே தயாரித்து இயக்க இருப்பதாகவும் மேலும் முக்கிய வேடத்தில் நடிக்க இருப்பதாகவும் செய்திகள் வெளியாகி உள்ளன.

ஏற்கனவே ’காஞ்சனா’ படத்தின் முந்தைய பாகங்கள் மிகப்பெரிய வசூல் செய்து வெற்றி பெற்ற நிலையில் 4ஆம் பாகமும் மிகப்பெரிய வெற்றி பெறும் என்றும் இந்த திரில் படத்தை ரசிக்க, ரசிகர்கள் தயாராகி வருகிறார்கள் என்பதும் குறிப்பிடத்தக்கது.