'ஏகே 63' இயக்குனர் ஆதிக் ரவிச்சந்திரன்.. 'ஏகே 64' இயக்குனர் இவரா? அடித்துவிடும் இணையவாசிகள்..!
- IndiaGlitz, [Thursday,October 12 2023]
அஜித் எப்போதும் ஒரு திரைப்படத்தின் படப்பிடிப்பை கிட்டத்தட்ட பாதி முடிந்த பின்னர் தான் அடுத்த படம் குறித்து யோசிப்பார் என்பதும் அடுத்த படம் அறிவிப்பு வெளியாகும் என்பது தெரிந்ததே.
ஆனால் ’விடாமுயற்சி’ படத்தின் படப்பிடிப்பு தற்போது தான் தொடங்கியுள்ள நிலையில் அஜித்தின் அடுத்த படத்தை ஆதிக் ரவிச்சந்திரன் இயக்க இருப்பதாக செய்திகள் வெளியானது. இந்த செய்தியே எந்த அளவுக்கு உண்மை என்று தெரியாத நிலையில் அதற்குள் ’அஜித் 64’ படத்தின் இயக்குனர் குறித்த தகவலும் இணையத்தில் கசிந்து வருவது பரபரப்பை ஏற்படுத்தி உள்ளது.
அஜித்தின் 64வது திரைப்படத்தை வெற்றிமாறன் இயக்க இருப்பதாக செய்திகள் வெளியாகி கொண்டிருக்கின்றன. ஆனால் இந்த செய்தியில் எந்த விதமான அடிப்படை ஆதாரமும் இல்லை என அஜித்துக்கு நெருக்கமானவர்கள் தெரிவித்துள்ளனர்.
இணையவாசிகள் இஷ்டத்துக்கு அஜித்தின் அடுத்தடுத்த படங்களின் இயக்குனர்களை வைரல் ஆக்கி வருவது பரபரப்பை ஏற்படுத்தி வரும் நிலையில் அதிகாரப்பூர்வ அறிவிப்பு வந்தால் மட்டுமே அஜித்தின் அடுத்த படம் குறித்த உண்மையான தகவல் தெரியவரும் என்பது குறிப்பிடத்தக்கது.
அஜித்தின் நெருக்கமானவர்களிடம் இது குறித்து விசாரித்த போது அஜித்தின் அடுத்த படம் குறித்து எந்த முடிவும் இதுவரை எடுக்கப்படவில்லை என்பதுதான் உண்மை என்று தெரிவித்துள்ளனர்.