கமல்ஹாசனின் அடுத்த படத்தில் 35 ஆண்டுகளுக்குப்பின் பிரபல நடிகர் ஒருவர் இணைய இருப்பதாக தகவல்கள் வெளியாகியுள்ளன.

கமல்ஹாசனின் ’விக்ரம்’ திரைப்படம் மிகப்பெரிய வெற்றிபெற்றதை அடுத்து அவர் ’இந்தியன் 2’ படத்தின் படப்பிடிப்பில் கலந்து கொள்ள உள்ளார் என்பதும் இந்த படத்தின் பயிற்சிக்காக அவர் அமெரிக்கா சென்றுள்ளார் என்பது குறிப்பிடத்தக்கது.

இந்த நிலையில் இந்தியன் 2’ படத்தின் படப்பிடிப்பு இன்னும் ஒரு சில நாட்களில் தொடங்க உள்ள நிலையில் இந்த படத்தில் மேலும் சில நடிகர்கள் இணைய இருப்பதாக தகவல்கள் வெளியாகின. குறிப்பாக நவரச நாயகன் கார்த்திக் இந்த படத்தில் இணைய இருப்பதாக கூறப்பட்டது.

இந்த நிலையில் தற்போது வந்த தகவலின் படி பிரபல நடிகர் சத்யராஜ் இந்த படத்தில் நடிக்க இருப்பதாக கூறப்படுகிறது. இந்த படத்தில் முக்கிய கேரக்டரில் நடித்த விவேக் மற்றும் நெடுமுடி வேணு காலமான நிலையில் அவர்களுக்கு பதிலாக வேறு நடிகர்களை ஒப்பந்தம் செய்யும் பணியில் படக்குழுவினர் இருக்கின்றனர். இந்த நிலையில் சத்யராஜ் இந்த படத்தில் நடிக்க இருப்பதாக கூறப்படுவதால் அவர் இந்த கேரக்டரில் நடிக்க இருக்கிறார் என்ற எதிர்பார்ப்பு ஏற்பட்டுள்ளது என்பது குறிப்பிடத்தக்கது.

கமல்ஹாசன் மற்றும் சத்யராஜ் ஆகியோர் இணைந்து கடைசியாக கடந்த 1986ஆம் ஆண்டு வெளியான ’விக்ரம்’ படத்தில் நடித்தனர் என்பது குறிப்பிடத்தக்கது.