சினிமாவில் வருவது போன்றே கணவருக்கு விவாகரத்து கொடுத்து அவரது காதலியுடன் சேர்த்து வைத்த மனைவி குறித்த தகவல் பெரும் ஆச்சரியத்தை ஏற்படுத்தி உள்ளது.

மத்திய பிரதேச மாநிலத்தைச் சேர்ந்த ஒரு பெண்ணுக்கு கடந்த மூன்று ஆண்டுகளுக்கு முன்னர் திருமணம் நடந்தது. திருமணமாகி மூன்று ஆண்டுகள் கழித்து தனது கணவருக்கு திருமணத்திற்கு முன்பே வேறொரு பெண்ணுடன் காதல் இருந்தது தெரிய வந்தது. மேலும் தனது கணவர் தன்னிடம் விவாகரத்து பெறாமலேயே அந்தப் பெண்ணுடனும் சேர்ந்து வாழ முயற்சித்ததையும் அவர் அறிந்து கொண்டார்.

உடனே அது சட்டப்படி சாத்தியமல்ல என்பதை தெரிந்து கொண்ட முதிர்ச்சி அடைந்த அந்த பெண், தனது கணவரை அழைத்து அவருடன் பேசி சட்டப்படி விவாகரத்து கொடுக்க விரும்பினார். மேலும் அவர் கூறியபடியே விவாகரத்து கொடுத்து தனது முன்னிலையிலேயே கணவருக்கு அவரது காதலியுடன் திருமணத்தையும் நடத்தி வைத்தார்.

இந்த தகவலை அந்த பெண்ணின் விவாகரத்து வழக்கை நடத்திய வழக்கறிஞர் மிகவும் ஆச்சரியத்துடன் கூறியுள்ளார் என்பது குறிப்பிடத்தக்கது.