மீண்டும் இணையும் சிம்ரன், த்ரிஷா
- IndiaGlitz, [Thursday,February 07 2019]
கடந்த 1999ஆம் ஆண்டு வெளிவந்த 'ஜோடி' படத்தில் சிம்ரன் நாயகியாக நடிக்க அந்த படத்தில் அவருடைய தோழிகளில் ஒருவராக ஒரு சின்ன கேரக்டரில் த்ரிஷா நடித்திருப்பார். அதன்பின் த்ரிஷாவும் பெரிய நாயகியாக மாறியவுடன் இருவரும் மீண்டும் இணைந்து நடிக்கவில்லை.
இந்த நிலையில் கடந்த பொங்கல் விருந்தாக வெளிவந்த ரஜினியின் 'பேட்ட' திரைப்படத்தில் சிம்ரன், த்ரிஷா இருவரும் நடித்திருந்தாலும் இருவரும் சேர்ந்த காட்சி அந்த படத்தில் இல்லை. த்ரிஷா பிளாஷ்பேக் காட்சியில் மட்டுமே தோன்றுவார்.
இந்த நிலையில் இருவரும் மீண்டும் இணைந்து ஒரு ஆக்சன் படத்தில் நடிக்கவுள்ளனர். முழுக்க முழுக்க சிம்ரன், த்ரிஷா இணைந்த காட்சிகளுடன் கூடிய இந்த படத்தை சனந்த் என்ற அறிமுக இயக்குனர் இயக்கவுள்ளதாகவும் இந்த படத்தின் படப்பிடிப்பு விரைவில் தொடங்கவிருப்பதாகவும் செய்திகள் வெளிவந்துள்ளது.