மணிரத்தினம் அவர்களின் மெட்ராஸ் டாக்கீஸ் நிறுவனம் தயாரிப்பில் உருவான ’வானம் கொட்டட்டும்’ என்ற திரைப்படத்தின் ரிலீஸ் தேதி பிப்ரவரி 7 என ஏற்கனவே இந்த படத்தின் டீசரில் குறிப்பிடப்பட்டிருந்தது. அதன்படி தற்போது இந்த திரைப்படத்தின் ரிலீஸ் தேதி உறுதி செய்யப்பட்டுள்ளது.

இந்த நிலையில் மெட்ராஸ் டாக்கீஸ் நிறுவனம் தயாரிக்கும் பெரும்பாலான திரைப்படங்களை மணிரத்னம் அவர்களே இயக்கி வந்தார். ஆனால் மெட்ராஸ் டாக்கீஸ் நிறுவனம் தயாரிப்பில் மணிரத்னம் இயக்காத திரைப்படம் ஒன்று 18 ஆண்டுகள் கழித்து வெளியாகிறது என்பதும் அந்த படம் ‘வானம் கொட்டட்டும்’ படம் தான் என்பதும் குறிப்பிடத்தக்கது. இதற்கு முன்னர் கடந்த 2002ஆம் ஆண்டு சுசிகணேசன் இயக்கிய ‘பைவ்ஸ்டார்’ என்ற திரைப்படம்தான் மெட்ராஸ் டாக்கீஸ் தயாரிப்பில் மணிரத்னம் இயக்காத படமாக வெளிவந்தது என்பது குறிப்பிடத்தக்கது.

சரத்குமார், ராதிகா சரத்குமார், விக்ரம் பிரபு, ஐஸ்வர்யா ராஜேஷ், சாந்தனு பாக்கியராஜ், பாலாஜி சக்திவேல், மதுசூதன ராவ் உள்பட பலர் நடித்துள்ள இந்த திரைப்படத்தை தனா இயக்கியுள்ளார். சித் ஸ்ரீராம் இசையில் ப்ரீதா ஜெயராமன் ஒளிப்பதிவில் சங்கத்தமிழன் படத்தொகுப்பில் இந்த படம் உருவாகியுள்ளது.