14 ஆண்டுகளுக்கு பின் விஜய் படத்தில் மீண்டும் த்ரிஷா.. படக்குழு வெளியிட்ட சூப்பர் வீடியோ!
- IndiaGlitz, [Wednesday,February 01 2023]
தளபதி விஜய் நடித்துவரும் 'தளபதி 67’ படத்தின் படப்பிடிப்பு விறுவிறுப்பாக நடைபெற்று வருகிறது என்பதும் அடுத்த கட்ட படப்பிடிப்பிற்காக படக்குழுவினர் காஷ்மீர் சென்றுள்ளனர் என்பது தெரிந்ததே.
இந்த நிலையில் நேற்று ’தளபதி 67’ திரைப்படத்தில் நடிக்கும் எட்டு நட்சத்திரங்களின் அதிரடி அறிவிப்புகள் வெளியான நிலையில் இந்த அறிவிப்பில் பிரபல பாலிவுட் நடிகர் சஞ்சய்தத், நடிகை பிரியா ஆனந்த், நடன இயக்குனர் சாண்டி மாஸ்டர், பிரபல இயக்குனர் மிஷ்கின், நடிகர் மன்சூர் அலிகான், பிரபல நடிகர் மாத்யூ தாமஸ், பிரபல இயக்குனர் கௌதம் மேனன் மற்றும் ஆக்சன் கிங் அர்ஜுன் ஆகியோர் இருந்தனர் என்பதையும் ஏற்கனவே பார்த்தோம்.
இந்த நிலையில் ’தளபதி 67’ படத்தின் அறிவிப்பு இன்றும் தொடரும் என்று கூறப்பட்டிருந்த நிலையில் சற்றுமுன் த்ரிஷா இந்த படத்தில் இணைந்திருப்பதை பட குழுவினர் உறுதி செய்துள்ளனர். இதற்கு முன் விஜய் மற்றும் த்ரிஷா இணைந்து 'கில்லி’ ’திருப்பாச்சி’ ’ஆதி’ மற்றும் ’குருவி’ ஆகிய படங்களில் நடித்திருந்த நிலையில் 14 ஆண்டுகளுக்கு பிறகு மீண்டும் விஜய்யுடன் த்ரிஷா நடிக்க உள்ளார் என்பது குறிப்பிடத்தக்கது.
மேலும் படக்குழுவினர் இதற்கு முன் விஜய், த்ரிஷா நடித்த படங்களின் காட்சிகளை வீடியோவாக தொகுத்து வெளியிட்டுள்ள நிலையில் அந்த வீடியோ தற்போது வைரலாகி வருகிறது. தளபதி 67 படத்தில் இணைவது குறித்து த்ரிஷா கூறியதாவது: எனக்குப் பிடித்த குழுவினர் மற்றும் அபாரமான திறமையான குழுவில் நானும் ஒரு பகுதியாக இணைய வாய்ப்பு கொடுத்ததற்கு நன்றி, இனி வரும் காலங்கள் உற்சாகமானது’ என்று தெரிவித்துள்ளார்.
Vantom.. Neenga keta update idho 😉
— Seven Screen Studio (@7screenstudio) February 1, 2023
After 14 years, Get ready to meet the sensational on-screen pair once again ❤️#Thalapathy @actorvijay sir - @trishtrashers mam#Thalapathy67Cast #Thalapathy67 @Dir_Lokesh @Jagadishbliss pic.twitter.com/7kvd7570ti