அஜித் நடித்து வரும் ’விடாமுயற்சி’ திரைப்படத்தில் அவருடைய மனைவியாக நடிகை த்ரிஷா நடித்துள்ள நிலையில் அஜித்தின் அடுத்த படத்திலும் த்ரிஷா நடிக்க இருப்பதாக கூறப்படுவது ஆச்சரியத்தை ஏற்படுத்தியுள்ளது.

மணிரத்னம் இயக்கத்தில் உருவான ’பொன்னியின் செல்வன்’ திரைப்படத்தில் குந்தவை என்ற கேரக்டரில் நடிகை த்ரிஷா நடித்த பின்னர் அவர் தொடர்ச்சியாக பல தமிழ், தெலுங்கு மலையாள பிரபலங்களுடன் நடித்து வருகிறார்.

குறிப்பாக அஜித்துடன் ’விடாமுயற்சி’ சிரஞ்சீவி உடன் ’விஸ்வாம்பரா’ கமல்ஹாசன் உடன் ’தக்லைஃப்’ மோகன்லால் உடன் ’ராம்’, டொவினோ தாமஸ் உடன் ‘ஐடென்டிட்டி’ ஆகிய படங்களில் நடித்து வரும் நிலையில் விஜய் நடித்துள்ள ’கோட்’ திரைப்படத்திலும் ஒரு சின்ன கேரக்டர் மற்றும் ஒரு பாடலுக்கு நடனமாடி இருப்பதாக கூறப்படுகிறது.

இந்த நிலையில் அஜீத் நடித்து வரும் ’குட் பேட் அக்லி’ என்ற திரைப்படத்தில் த்ரிஷா ஒரு பாடலுக்கு நடனம் ஆட இருப்பதாகவும் இது குறித்து பேச்சுவார்த்தை முடிந்து விட்டதாகவும் கூறப்படுகிறது. இந்த படத்தின் அடுத்த கட்ட படப்பிடிப்பு இன்னும் சில நாட்களில் ஹைதராபாத்தில் நடைபெற இருக்கும் நிலையில் அப்போது அஜித், த்ரிஷா சம்பந்தப்பட்ட காட்சிகள் படமாக்கப்பட இருப்பதாகவும் கூறப்படுகிறது. இந்த தகவல் அஜித் மற்றும் த்ரிஷா ரசிகர்களுக்கு மகிழ்ச்சியை ஏற்படுத்தி உள்ளது.