கமல் கட்சியில் இருந்து விலகிய பிரபலம்: மேலும் சிலர் விலகுவதாக தகவல்
- IndiaGlitz, [Tuesday,April 24 2018]
நடிகர் கமல்ஹாசன் 'மக்கள் நீதி மய்யம்' என்ற அரசியல் கட்சியை கடந்த சில மாதங்களுக்கு முன் தொடங்கிய நிலையில் அக்கட்சியின் உயர்மட்ட குழு உறுப்பினரும் வழக்கறிஞருமான ராஜசேகர் இன்று அக்கட்சியில் இருந்து விலகுவதாக அறிவித்துள்ளார்.
வழக்கறிஞர் ராஜசேகர் மூலமாகத்தான் கமல் கட்சியில் முன்னாள் காவல் அதிகாரி மவுரியா, ஸ்டார் ஜெராக்ஸ் சௌரிராஜன் உட்பட பலர் இணைந்ததாகவும் அவர்கள் அக்கட்சியின் உயர்மட்டக்குழு உறுப்பினராக நியமிக்கப்பட்டதாகவும் கூறப்பட்டது. இந்த நிலையில் திடீரென கருத்துவேறுபாடு காரணமாக வழக்கறிஞர் ராஜசேகர் கமல் கட்சியில் இருந்து விலகுவதாக அறிவித்துள்ளார்.
கமல் கட்சியில் தனக்கு உரிய மரியாதை கிடைக்கவில்லை என்றும் அதனால் கட்சியில் இருந்து விலகுவதாகவும் வழக்கறிஞர் ராஜசேகர் கூறியுள்ளார். இந்த நிலையில் வழக்கறிஞர் ராஜசேகரை தொடர்ந்து மேலும் சில பிரபலங்கள் அக்கட்சியில் இருந்து விலக வாய்ப்புள்ளதாக கூறப்படுகிறது.