பொதுச்செயலாளர் பதவியை ஏற்கும் முன் 3 தலைவர்களுக்கு அஞ்சலி செலுத்திய சசிகலா
- IndiaGlitz, [Friday,December 30 2016]
அதிமுக பொதுக்குழு நேற்று கூடி, அடுத்த பொதுச்செயலாளர் சசிகலா என ஒருமனதாக தேர்வு செய்தது. பொதுக்குழுவின் தேர்வை ஏற்றுக்கொண்ட சசிகலா நாளை அதிமுக அலுவலகத்திற்கு வந்து பொதுச்செயலாளர் பதவியை ஏற்று கொள்வார் என்று எதிர்பார்க்கப்படுகிறது
இந்நிலையில் இன்று மாலை சசிகலா சென்னை மெரினா கடற்கரையில் உள்ள ஜெயலலிதாவின் சமாதிக்கு சென்று பொதுச்செயலாளராக தேர்வு செய்யப்பட்ட நகலை சமாதியில் வைத்து கண்ணீர் அஞ்சலி செலுத்தினார். ஜெயலலிதாவிடம் மானசீகமாக ஆசி வாங்கிய பின்னர் எம்.ஜி.ஆர் மற்றும் அண்ணா சமாதிகளுக்கு சென்று மலர் வளையம் வைத்து அஞ்சலி செலுத்தினார்.
சசிகலாவுடன் முதல்வர் ஓ.பன்னீர்செல்வம், தம்பித்துரை உள்ளிட்ட முக்கிய தலைவர்கள் சென்றனர்.