விபத்தில் சிக்கிய அதிமுக எம்பியின் கார்! அடுத்தடுத்த நாளில் நடந்த சோகம்
- IndiaGlitz, [Sunday,February 24 2019]
நேற்று விழுப்புரம் எம்பி ராஜேந்திரன் சென்ற கார் சாலை தடுப்புச்சுவரில் மோதி சம்பவ இடத்திலேயே அவர் பலியானதால் அதிமுகவினர் பெரும் சோகத்தில் உள்ளனர். இந்த சோகத்தில் இருந்து இன்னும் அவர்கள் மீண்டு வராத நிலையில் இன்று இன்னொரு அதிமுக எம்பியின் கார் விபத்தில் சிக்கியது
இன்று காலை சேலம், வாழப்பாடி அருகே மின்னாம்பள்ளி என்ற பகுதியில் கள்ளக்குறிச்சி எம்.பி. காமராஜின் கார் சென்று கொண்டிருந்த போது திடீரென விபத்தில் சிக்கியது. இந்த விபத்தில் காமராஜ் எம்.பி. காயம் அடைந்ததால் சிகிச்சைக்காக மருத்துவமனையில் அனுமதிக்கப்பட்டுள்ளார்.
பாராளுமன்ற தேர்தல் விரைவில் வரவுள்ள நிலையில் அதிமுக எம்பிக்கள் அடுத்தடுத்த நாட்களில் விபத்தில் சிக்கியுள்ளது அக்கட்சி வட்டாரத்தில் பெரும் பரபரப்பை ஏற்படுத்தியுள்ளது.