அதிமுக கூட்டணியில் பாஜகவுக்கு எத்தனை தொகுதிகள்: அதிகாரபூர்வ அறிவிப்பு
- IndiaGlitz, [Tuesday,February 19 2019]
இன்று காலை அதிமுக கூட்டணியில் 7 மக்களவை தொகுதிகளையும் ஒரு மாநிலங்களவை தொகுதிகளையும் பாமக பெற்றுள்ள நிலையில் சற்றுமுன் அதிமுக கூட்டணியில் பாஜகவுக்கு ஒதுக்கப்பட்ட தொகுதிகள் குறித்த அதிகாரபூர்வ அறிவிப்பு வெளியாகியுள்ளது.
பாஜகவின் தமிழக தேர்தல் பொறுப்பாளர் பியூஷ் கோயல் இன்று சென்னை வந்து அதிமுக தலைவர்களுடன் கூட்டணி குறித்த இறுதி பேச்சுவார்த்தை நடத்திய நிலையில் அதிமுக கூட்டணியில் பாஜகவுக்கு 5 தொகுதிகள் ஒதுக்கப்பட்டுள்ளதாக அதிமுக ஒருங்கிணைப்பாளரும் துணை முதல்வருமான ஓ.பன்னீர்செல்வம் அறிவித்துள்ளார்.
மேலும் பாராளுமன்ற தேர்தலுடன் நடைபெறும் என எதிர்பார்க்கப்படும் 21 சட்டமன்ற இடைத்தேர்தலில் அதிமுகவுக்கு பாஜக முழு ஆதரவு அளிக்கும் என பியூஷ் கோயல் மற்றும் துணைமுதல்வர் ஓபிஎஸ் கூட்டாக பேட்டி அளித்தனர்.