ஜம்முகாஷ்மீர் மாநிலத்தில் இன்னும் ஒருசில நாட்களில் தாசில்தார் பணிக்கான தேர்வு நடைபெறவுள்ளது. இந்த தேர்வுக்கு விண்ணப்பித்த விண்ணப்பதாரர்களுக்கு ஹால் டிக்கெட் அனுப்பும் பணியில் காஷ்மீர் அரசின் தேர்வுத்துறை தீவிரமாக ஈடுபட்டு வருகிறது.

இந்த நிலையில் இந்த தேர்வுக்கு விண்ணப்பம் செய்திருந்த ஒருவரின் ஹால்டிக்கெட்டில் அவரது புகைப்படத்திற்கு பதிலாக கழுதையின் புகைப்படம் இருந்தது. இதனை பார்த்த அந்த விண்ணப்பதாரர் அதிர்ச்சி அடைந்தார். இந்த ஹால் டிக்கெட்டை அவர் புகைப்படம் எடுத்து சமூக வலைத்தளங்களில் பதிவு செய்தார். இந்த பதிவு தற்போது வைரலாகி வருகிறது

இதுகுறித்து தகவல் அறிந்த தேர்வுத்துறை அதிகாரிகள் உடனடியாக அந்த நபருக்கு அவரது புகைப்படத்துடன் கூடிய புதிய ஹால்டிக்கெட்டை அனுப்ப ஏற்பாடு செய்து வருகின்றனர். ஏற்கனவே கடந்த 2015ஆம் ஆண்டு நடைபெற்ற தேர்வு ஒன்றிலும் ஒருவரது ஹால்டிக்கெட்டில் பசுவின் புகைப்படம் இடம் பெற்றிருந்தது என்பது குறிப்பிடத்தக்கது.