బాలీవుడ్ రీమేక్ లో అడివి శేష్...
- IndiaGlitz, [Wednesday,January 03 2018]
చేత‌న్ భ‌గ‌త్ రాసిన న‌వ‌ల '2 స్టేట్స్' న‌వ‌ల ఆధారంగా అదే టైటిల్‌తో బాలీవుడ్‌లో సినిమా చేసిన సంగ‌తి తెలిసిందే. అర్జున్ క‌పూర్‌, అలియాభ‌ట్ హీరో హీరోయిన్లుగా ఈ సినిమాలో న‌టించారు. ఈ సినిమా త‌ర్వాత తెలుగులో రీమేక్ చేయాల‌నే ప్ర‌య‌త్నాలు జ‌రిగాయి. అప్ప‌ట్లో నాగ‌చైత‌న్య ఆ రీమేక్‌లో హీరోగా న‌టిస్తాడ‌ని న్యూస్ వ‌చ్చింది. కానీ ఆ వార్త‌లు మ‌రుగున ప‌డ్డాయి.
తాజా స‌మాచారం ప్ర‌కారం మ‌ళ్లీ ఈ రీమేక్‌కు సంబంధించిన వార్త‌లు ఊపందుకున్నాయి. '2 స్టేట్స్' రీమేక్‌లో ఇప్పుడు అడివిశేష్ హీరోగా న‌టిస్తాడ‌ని స‌మాచారం. త్వ‌ర‌లోనే దీనికి సంబంధించిన అధికారిక స‌మాచారం వెలువ‌డ‌నుంది.