అడివి శేష్ సినిమా కిస్‌తో తెలుగు తెర‌కు ప‌రిచ‌య‌మైన న‌టి ప్రియా బెన‌ర్జీ. ఆ త‌ర్వాత జోరుతో పాటు కొన్ని తెలుగు సినిమాల్లో న‌టించింది. ఇప్పుడు త‌మిళ్‌లో చిత్తిరం పేసుద‌డి 2లో న‌టిస్తోంది. అందులో అజ్మ‌ల్ హీరో. 'రంగం' సినిమాతో తెలుగువారికి కూడా అజ్మ‌ల్ ప‌రిచ‌య‌మే. ఈ భామకి తెలుగు బాగా అర్థ‌మ‌వుతుంద‌ట‌.

దీని గురించి ప్రియా బెన‌ర్జీ మాట్లాడుతూ "నాకు తెలుగు మాట్లాడ‌టం కాస్త అల‌వాట‌వుతోంది. తెలుగులో ఎదుటివారు మాట్లాడితే చాలా బాగా అర్థ‌మ‌వుతోంది. కానీ త‌మిళం మాట్లాడ‌టం రావ‌డం లేదు. ఎవ‌రైనా త‌మిళ్‌లో ఏమైనా ప‌ల‌క‌మ‌న్నా ప‌ల‌క‌డం క‌ష్ట‌మ‌వుతోంది" అని అంటోంది. సోష‌ల్‌, రైన్ త‌ర్వాత ఈ భామ మూడో వెబ్ సీరీస్‌కు కూడా సంత‌కం చేసింది. అందులో షార్మ‌న్ జోషి హీరోగా చేస్తున్నారు.

వెబ్ సీరీస్ గురించి ప్రియా మాట్లాడుతూ "న‌టిగా నేను వృద్ధి చెంద‌డానికి నాకు వెబ్‌సీరీస్‌లు ప‌నికొస్తున్నాయి. నటిగా ఇంకాస్త పాత్ర‌ల‌ను అర్థం చేసుకోగ‌లుగుతున్నాను" అని అన్నారు.