விஜய்சேதுபதியின் அடுத்த படத்தில் மணிரத்னம் பட நாயகி!
- IndiaGlitz, [Friday,August 02 2019]
மக்கள் செல்வன் விஜய்சேதுபதி நடிக்கும் அடுத்த படமான 'துக்ளக் தர்பார்' என்ற படத்தில் பிரபல நடிகரும் இயக்குனருமான பார்த்திபன் இணைந்தார் என்ற செய்தியை நேற்று பார்த்தோம். இயக்குனர் டெல்லி பிரசாத் தீனதயாள் இயக்கி வரும் இந்தப் படத்தில் விஜய்சேதுபதிக்கு ஜோடியாக நடிக்கும் நடிகை குறித்த தகவல் தற்போது அறிவிக்கப்பட்டுள்ளது.
இந்த படத்தின் நாயகியாக அதிதிராவ் ஹைத்ரி இணைந்துள்ளதாக அதிகாரபூர்வமாக அறிவிக்கப்பட்டுள்ளது. இவர் ஏற்கனவே மணிரத்னம் இயக்கிய 'காற்று வெளியிடை 'மற்றும் 'செக்கச் சிவந்த வானம்' ஆகிய படங்களில் நடித்தவர் என்பது குறிப்பிடத்தக்கது.
கோவிந்த் வசந்தா இசையமைக்கும் இந்த படத்திற்கு இயக்குனர் பாலாஜி தரணிதரன் வசனம் எழுதுகிறார். 7ஸ்க்ரீன் ஸ்டுடியோஸ் மற்றும் வயாகாம் 18 ஸ்டுடியோஸ் நிறுவனங்கள் தயாரிக்கும் இந்த படத்தின் படப்பிடிப்பு விறுவிறுப்பாக நடைபெற்று வருகிறது.