கடந்த 2004 ஆம் ஆண்டு வெளியாகி சூப்பர் ஹிட் ஆன படத்தின் இரண்டாம் பாகம் விரைவில் உருவாக்கப்பட இருக்கும் நிலையில் இந்த படத்தின் நாயகி ஆக நடிக்க அதிதி ஷங்கரிடம் பேச்சுவார்த்தை நடத்தப்பட்டு வருவதாக கூறப்படுகிறது.

செல்வராகவன் இயக்கத்தில் ரவிகிருஷ்ணா மற்றும் சோனியா அகர்வால் நடிப்பில் உருவான திரைப்படம் ’7ஜி ரெயின்போ காலனி’. யுவன் சங்கர் ராஜா இசையில், ஏஎம் ரத்னம் தயாரிப்பில் உருவான இந்த படம் கடந்த 2004ஆம் ஆண்டு வெளியாகி நல்ல வரவேற்பை பெற்றது.

இந்த நிலையில் கிட்டத்தட்ட 20 ஆண்டுகள் கழித்து இந்த படத்தின் இரண்டாம் பாகம் குறித்த தகவல்கள் தற்போது வெளியாகிக் கொண்டிருக்கின்றன. முதல் பாகத்தை இயக்கிய செல்வராகவன் இந்த படத்தை இயக்கும் நிலையில் முதல் பாகத்தில் நடித்த ரவிகிருஷ்ணா இந்த படத்தில் நாயகனாக நடிக்க உள்ளார். அதேபோல் முதல் பாகத்திற்கு இசையமைத்த யுவன்ஷங்கர் ராஜா இந்த படத்திற்கு இசையமைக்கவுள்ளார்.

இந்த படத்தில் நாயகி ஆக நடித்த அதிதி ஷங்கர், இவானா உள்பட ஒரு சில நடிகைகளிடம் பேச்சுவார்த்தை நடத்தப்பட்டு வருவதாகவும் அதிதி ஷங்கர் இந்த படத்தில் நடிக்க அதிக வாய்ப்பு இருப்பதாகவும் கூறப்படுகிறது. இந்த படம் குறித்த அதிகாரபூர்வ அறிவிப்பு விரைவில் வெளியாகும் என்று கூறப்படுகிறது.