'அருவி' நாயகி அதிதிபாலன் குறித்த வதந்திக்கு முற்றுப்புள்ளி!
- IndiaGlitz, [Monday,February 11 2019]
கடந்த 2017ஆம் ஆண்டு வெளிவந்த மிகப்பெரிய வெற்றிப்படங்களில் ஒன்று 'அருவி'. மிகக்குறைந்த பட்ஜெட்டில் உருவான இந்த படம் மிகப்பெரிய வசூலை பெற்று வெற்றி அடைய இந்த படத்தின் கதை மற்றும் நாயகி அதிதிபாலனின் நடிப்பே முக்கிய காரணமாக கருதப்பட்டது.
இருப்பினும் இந்த படம் வெளியாகி சுமார் இரண்டு வருடங்கள் ஆகிவிட்டபோதிலும் நாயகி அதிதிபாலன் அடுத்த படத்தில் ஒப்பந்தமாகவில்லை. ஆனால் சுமார் 30 கதைகளை அவர் கேட்டதாகவும், எந்த கதையும் திருப்தி இல்லாததால் அவர் வேறு படங்களில் நடிக்க ஒப்பந்தமாகவில்லை என்று கூறப்படுகிறது.
இந்த நிலையில் பிரபல ஒளிப்பதிவாளர் சந்தோஷ் சிவன் இயக்கும் தமிழ், மலையாளம் ஆகிய இரண்டு மொழிகளில் உருவாகும் படத்தில் அதிதிபாலன் நடிக்கவுள்ளதாக செய்திகள் வெளியானது. ஆனால் இந்த செய்தியை மறுத்த அதிதிபாலன், இந்த படத்தில் நடிக்க தன்னிடம் யாரும் அணுகவில்லை என்று விளக்கம் அளித்து வதந்திக்கு முற்றுப்புள்ளி வைத்தார்.
சந்தோஷ் சிவன் இயக்கும் இந்த படத்தில் மஞ்சுவாரியர், காளிதாஸ் ஜெயராமன், நெடுமுடிவேணு உள்பட் பலர் நடிக்கவுள்ளனர் என்பது குறிப்பிடத்தக்கது.