இந்த 3 பிரபலங்களுக்கு கதை ரெடியா இருக்குது: 'அடங்கமறு' இயக்குனர் கார்த்திக் தங்கவேல்..!
- IndiaGlitz, [Sunday,July 16 2023]
தமிழ் திரை உலகில் உள்ள மூன்று பிரபல நடிகர்களுக்கு கதை தயாராக வைத்திருக்கிறேன் என்று ‘அடங்கமறு’ இயக்குனர் கார்த்திக் தங்கவேல் தெரிவித்துள்ளார்.
ஜெயம் ரவி நடித்த ‘அடங்கமறு’ என்ற திரைப்படம் கடந்த 2018 ஆம் ஆண்டு வெளியாகி நல்ல வரவேற்பை பெற்றது. இந்த படம் வெளியாகி ஐந்து ஆண்டுகள் ஆன பின்னரும் இன்னும் கார்த்திக் தங்கவேல் இயக்கும் அடுத்த படம் குறித்த அறிவிப்பு வெளியாகவில்லை.
இந்த நிலையில் அவர் மூன்று பிரபல நடிகர்களுக்கு கதை தயாராக வைத்திருக்கிறேன் என்று சமீபத்தில் அளித்த பேட்டியில் குறிப்பிட்டுள்ளார். அவர்கள் சிம்பு, ஜெயம் ரவி மற்றும் அருண் விஜய் என்றும் தெரிவித்துள்ளார்.
இருப்பினும் தன்னுடைய அடுத்த படம் ஜெயம் ரவி நடிக்கும் படமாக தான் இருக்கும் என்றும் இந்த படம் குறித்த அறிவிப்பு விரைவில் வெளியாகும் என்றும் தெரிவித்துள்ளார்.
ஜெயம் ரவி படத்தை முடித்துவிட்டு சிம்பு மற்றும் அருண் விஜய் படங்கள் இயக்க முயற்சிப்பேன் என்றும் அவர் கூறியுள்ளார். ‘அடங்கமறு’ என்ற சூப்பர் ஹிட் படத்தை கொடுத்த இயக்குனர் கார்த்திக் தங்கவேல் அடுத்தடுத்து வெற்றி படங்களை கொடுப்பார் என்று எதிர்பார்க்கப்படுகிறது.