బాలీవుడ్‌లో ప్రయోగాత్మక చిత్రాలు చాలా వరకూ ప్రేక్షకుల మనసులు దోచుకుంటాయ్.. ఇది అందరికీ తెలిసిన విషయమే. ఇప్పుటికే బాలీవుడ్‌లో పలువురు దర్శకులు వినూత్న ప్రయోగాలతో సినిమాలు తెరకెక్కించి సక్సెస్ అయ్యారు. అయితే తాజాగా.. లింగమార్పిడి కథాంశంతో ఒక మూవీ తెరకెక్కుతోంది. ఆ సినిమా పేరు 'మ్యాన్ టు మ్యాన్'.

ఈ చిత్రంలో 'హార్ట్ ఎటాక్' సినిమాతో కుర్రకారు హృదయాలు దోచుకున్న బ్యూటీ ఆదా శర్మ పోషిస్తోంది. ఈ సినిమాలో ఈ ముద్ముగుమ్మ చేస్తున్నట్లు గతంలోనే ప్రకటించినప్పటికీ తాజాగా.. ఈ చిత్రానికి సంబంధించి ఓ పోస్టర్ జనాల్లోకి వదిలారు. ప్రస్తుతం ఈ ఫొటో అటు సోషల్ మీడియాలో.. ఇటు మీడియాలో వైరల్ అవుతోంది.

హాట్ బ్యూటీ ఆదా శర్మ తన ఇన్‌స్టాగ్రామ్‌లో మీసాలతో ఉన్న ఫొటోను పోస్ట్ చేసి..‘నేను మీ కలలో ఒక మగవాణ్ణి అయితే.. పరిస్థితేంటి’ అంటూ నాలుగు ఎమోజీలు పెట్టింది. నేను యాక్టింగ్‌లోకి అడుగుపెట్టిన నాటి నుంచి నేనెప్పుడూ ఇలా మగవేషంలో నటిస్తానని అనుకోలేదు. అయితే ఇప్పుడు ఫస్ట్ టైమ్ ఇలా నటించాల్సి వస్తోంది. నేను నటించబోయే చిత్రం రొమాంటిక్ కామెడీ, మంచి లవ్ స్టోరీ ఉన్న మూవీ.. ఇక మిగిలినవన్నీ మీ ఊహకే వదలిస్తేన్నాను.." అంటూ కన్ను కొట్టినట్లు ఉండే రెండు ఎమోజీలు పోస్ట్ చేసింది.

కాగా.. ఆదా నటించబోయే సినిమా పేరు.. 'మ్యాన్ టు మ్యాన్'. 1920 నుంచి నేటి వరకూ ఎన్నో చిత్రాలు వచ్చాయి.. కానీ ఈ చిత్రాలలో ఏదో కథ వచ్చినవే. ఫస్ట్ టైమ్‌ నేను రొమాంటిక్ కామెడీ చిత్రంలో నటిస్తున్నాను. ఈ మూవీలో ఆదాతో లవ్‌లో పడి పెళ్లి చేసుకున్న తర్వాత చివరికి మగ అని తెలియడంతో ఏం జరుగుతుందా..? అన్నది సినిమా అట. పదకొండేళ్ళ క్రితమే సినీరంగ ప్రవేశం చేసిన అదా శర్మ.. హిందీ, తెలుగు, కన్నడ, తమిళ భాషల్లో గ్లామరస్ రోల్స్ మాత్రమే చేసిందని చెప్పుకోవచ్చు. పెర్ఫార్మెన్స్ ఓరియెంటెడ్ రోల్స్‌లో చాలా తక్కువగా నటించిందని చెప్పాలి. అయితే ఫస్ట్ టైమ్‌ ప్రయోగాత్మక పాత్రలో నటిస్తున్న ఆదాకు ఏ మేరకు సక్సెస్ అవుతుందో వేచి చూడాల్సిందే మరి.