பழைய மிரட்டலுடன் மீண்டும் கேப்டன் விஜயகாந்த்: பார்த்திபன் தகவல்
- IndiaGlitz, [Wednesday,August 29 2018]
முன்னாள் முதல்வர்கள் ஜெயலலிதா மற்றும் கருணாநிதி இருக்கும்போதே அரசியல் கட்சி தொடங்கி நல்ல வாக்கு சதவிகிதத்தை பெற்றவர் கேப்டன் விஜயகாந்த். அதன்பின்னர் அவர் எடுத்த ஒருசில முடிவுகள் தவறாக இருந்ததால் அவருடைய கட்சி பின்னடைவில் இருந்தது.
இந்த நிலையில் கடந்த சில மாதங்களாக உடல்நலமின்றி இருந்த விஜயகாந்த் தற்போது சிகிச்சைக்கு பின் மீண்டும் புத்துணர்ச்சி பெற்றுள்ளார். இந்த நிலையில் சமீபத்தில் தனது பிறந்த நாளை சிறப்பாக கொண்டாடிய விஜயகாந்த் மீண்டும் அனைத்து தொகுதிகளிலும் தனித்து போட்டி என்ற அறிவிப்பை வெளியிட்டார்.
இந்த நிலையில் கேப்டன் விஜயகாந்தை சந்தித்து பிறந்த நாள் வாழ்த்து கூறிய நடிகரும் இயக்குனருமான பார்த்திபன் இந்த சந்திப்பு குறித்து தனது சமூக வலைத்தளத்தில் ஒரு கவிதையை பதிவு செய்துள்ளார். அந்த கவிதை இதோ:
முன்தினம் தளபதி
நேற்று நம்மவர்
இன்று கேப்டன் !
அழகு மெழுகு விளக்கை
பிறந்த நாள் பரிசாக
அளித்து சந்தித்தேன்.
மனதில் பாரமும்
இமையில் ஈரமும்
கண்டவர் நாலே
மாதத்தில் பழைய மிரட்டலுடன்
காணப்போகிறீர்கள் என
நம்பிக்கை அளித்தார்!