பிரபல நடிகர் மீது பாலியல் புகார் அளித்த நடிகை விஜயலட்சுமி
- IndiaGlitz, [Monday,March 11 2019]
விஜய், சூர்யா இணைந்து நடித்த 'ப்ரெண்ட்ஸ், மற்றும் 'பாஸ் என்கிற பாஸ்கரன்' படங்கள் உள்பட பல திரைபடங்களில் நடித்தவர் நடிகை விஜயலட்சுமி. இவர் சமீபத்தில் உடல்நலக்குறைவு காரணமாக மருத்துவமனையில் அனுமதிக்கப்பட்டிருந்தார்.
நடிகை விஜயலட்சுமி உடல்நலமின்றி இருந்த செய்தி அறிந்ததும் அவரை மருத்துவமனையில் சந்தித்து நலம் விசாரித்த கன்னட நடிகர் ரவிபிரகாஷ் பின்னர் மருத்துவ செலவுக்கு ரூ.1 லட்சம் கொடுத்ததாகவும் தெரிகிறது.
இந்த நிலையில் நடிகை விஜயலட்சுமி தற்போது ரவிபிரகாஷ் மீது போலீஸில் புகார் செய்துள்ளார். நடிகர் ரவிபிரகாஷ் தனக்கு உதவி செய்து போல் நடித்து பாலியல் தொல்லை கொடுத்துள்ளதாக தனது புகாரில் தெரிவித்துள்ளார். விஜயலட்சுமியின் இந்த புகார் குறித்து போலீசார் விசாரணை செய்து வருகின்றனர்.