அதிமுகவினர்களுக்கு பிரபல நடிகை கூறிய ஆலோசனை
- IndiaGlitz, [Saturday,December 17 2016]
தமிழக முதல்வராக இருந்து மறைந்த ஜெயலலிதாவுக்கு தினமும் லட்சக்கணக்கான தொண்டர்கள் அஞ்சலி செலுத்தி வருகின்றனர். அவரது உடல் புதைக்கப்பட்ட எம்.ஜி.ஆர். நினைவகம் கிட்டத்தட்ட ஒரு கோவில் போலவே மாறிவிட்டது.
அதிமுக தலைவர்கள் உள்பட பல கட்சிகளின் தலைவர்களும், அகில இந்திய தலைவர்களும் அவ்வப்போது ஜெயலலிதாவின் சமாதிக்கு அஞ்சலி செலுத்துகின்றனர். இதனால் அவரது சமாதிக்கு பலத்த போலீஸ் பாதுகாப்பு போடப்பட்டுள்ளது.
இந்நிலையில் இன்று பிரபல நடிகையும், தெலுங்கானா மாநிலத்தின் அரசியல் பெரும்புள்ளியுமான விஜயசாந்தி ஜெயலலிதா சமாதிக்கு வந்து அஞ்சலி செலுத்தினார்.
பின்னர் செய்தியாளர்களை சந்தித்த விஜயசாந்தி, 'ஜெயலலிதா மறைவால் ஒரு வெற்றிடம் ஏற்பட்டுள்ளது. இதை பயன்படுத்தி கட்சியை பிளவுபடுத்த சிலர் சதி செய்வார்கள். அந்த சதியை அதிமுகவினர் ஒற்றுமையாக இருந்து முறியடிக்க வேண்டும்' என்று ஆலோசனை கூறினார்.