தனுஷின் 'மாரி 2' படத்தில் இணைந்த மேலும் ஒரு நடிகை
- IndiaGlitz, [Friday,June 15 2018]
தனுஷ் நடிப்பில் இயக்குனர் பாலாஜி மோகன் இயக்கி வரும் 'மாரி 2' படத்தின் படப்பிடிப்பு விறுவிறுப்பாக நடைபெற்று வருகிறது. இந்த படத்தில் சாய்பல்லவி மற்றும் வரலட்சுமி சரத்குமார் ஆகிய இரண்டு நாயகிகள் ஏற்கனவே நடித்து வரும் நிலையில் தற்போது மூன்றாவதாக ஒரு நடிகை இந்த படத்தில் இணைந்துள்ளார்.
விஜய் இயக்கிய 'சைவம்', 'பாண்டிராஜ் இயக்கிய 'பசங்க 2', 'அருள்நிதி நடித்த 'இரவுக்கு ஆயிரம் கண்கள்' உள்பட ஒருசில படங்களில் நடித்த நடிகை வித்யா பிரதீப் தற்போது 'மாரி 2' படத்தில் இணைந்துள்ளார். இந்த தகவலை வித்யா தனது சமூக வலைத்தளத்தில் உறுதி செய்துள்ளார்.
யுவன்ஷங்கர் ராஜா இசையில் உருவாகி வரும் இந்த படத்தில் டொவினோ தாமஸ், ரோபோ சங்கர் ஆகியோர் முக்கிய வேடத்தில் நடித்துவருகின்றனர். பெரும் எதிர்பார்ப்பை ஏற்படுத்தியுள்ள இந்த படம் இவ்வருட இறுதியில் வெளியாகும் என்று எதிர்பார்க்கப்படுகிறது.