பிக்பாஸ் டைட்டில் வின்னர் அசீமை நடிகை வனிதா சந்தித்திருக்கும் புகைப்படம் இணையதளங்களில் வைரலாக வருகிறது.

பிக்பாஸ் சீசன் 6 நிகழ்ச்சி சமீபத்தில் முடிவடைந்த நிலையில் இந்த நிகழ்ச்சியில் யாரும் எதிர்பாராத வகையில் அசீம் டைட்டில் வின்னராக தேர்வு செய்யப்பட்டார். இந்த சீசனின் டைட்டில் வின்னராக விக்ரமன் தான் வருவார் என பலர் கணித்திருந்த நிலையில் கமல்ஹாசனால் பலமுறை கண்டிக்கப்பட்ட அசீம், கமல்ஹாசனாலே டைட்டில் வின்னர் என அறிவிக்கப்பட்டது பெரும் ஆச்சரியத்தையும் அதிருப்தியையும் ஏற்படுத்தியது. இருப்பினும் அசீம் டைட்டில் வின்னருக்கு தகுதியானவர் தான் என்றும் சிலர் அவருக்கு ஆதரவாகவும் தெரிவித்து வருகின்றனர்.

இந்த நிலையில் பிக்பாஸ் நிகழ்ச்சி நடந்தபோது ஒவ்வொரு எபிசோடையும் விமர்சனம் செய்து வந்தவர் நடிகை வனிதா என்பதை தெரிந்ததே. குறிப்பாக அசீமை அவர் கடுமையாக விமர்சனம் செய்து உள்ளார் என்பதும் குறிப்பிடத்தக்கது.

இந்த நிலையில் பிக்பாஸ் டைட்டில் வின்னர் அசீமை நடிகை வனிதா சந்தித்த புகைப்படம் இணையதளங்களில் வைரலாக வருகிறது. இது குறித்து வனிதா, தனது ட்விட்டர் பக்கத்தில் ’நாங்கள் யாருக்கும் உதாரணமாக காட்ட இங்கு வரவில்லை, விதிகளை உடைக்க வந்துள்ளோம்’ என்று கூறியுள்ளார்.