தமிழ், தெலுங்கு, பாலிவுட் என்று இந்திய அளவில் பிரபல நட்சத்திரமாக இருந்துவரும் நடிகை தமன்னா பற்றிய தகவல்கள் எப்போதும் ரசிகர்கள் மத்தியில் படு சுவாரசியத்தை ஏற்படுத்தி வருகிறது. இந்நிலையில் சிறிய வயதில் இருந்தே எனக்கு பிடித்த விஷயம் இதுதான் என்று கூறி நடிகை தமன்னா பதிவிட்ட இன்ஸ்டாகிராம் பதிவொன்று தற்போது இணையத்தில் வைரலாகி வருகிறது.

தமிழ், தெலுங்கு சினிமாவில் முன்னணி நடிகைகளுள் ஒருவராக இருந்துவரும் நடிகை தமன்னா பாலிவுட்டிலும் தொடர்ந்து கவனம் செலுத்தி வருகிறார். அந்த வகையில் இவர் நடித்துள்ள ‘லஸ்ட் ஸ்டோரி 2” டீசர் வெளியாகி இருக்கிறது. நெட்ஃபிக்ஸ் தயாரித்து இருக்கும் இந்த திரைப்படம் இந்தியா முழுக்கவே அதிக எதிர்பார்ப்பை ஏற்படுத்தி வருகிறது.

இந்நிலையில் தமிழில் இயக்குநர் நெல்சன் இயக்கத்தில் சூப்பர் ஸ்டார் ரஜினிகாந்த் நடிப்பில் உருவாகி வரும் “ஜெயிலர்” திரைப்படத்திலும் நடிகை தமன்னா இணைந்து நடித்து வருகிறார். இதைத்தவிர “அரண்மனை 2’, ‘காத்து கருப்பு’, ‘ஏன் என்றால் காதல் என்பேன்’ என்று பல படங்களில் ஒப்பந்தமாகியுள்ளார். அதேபோல தெலுங்கில் ‘தட் இஸ் மகாலட்சுமி’, ‘போலோ சங்கர்’ திரைப்படத்திலும் இந்தியில் ‘போலோ சூடியன்’ திரைப்படத்திலும் இணைந்து நடித்து வருகிறார்.

இப்படி சினிமாவில் பிசியாக நடித்துவரும் நடிகை தமன்னாவின் நடிப்பை ரசிகர்கள் எப்போதும் வியந்தே வருகின்றனர். இதேநேரத்தில் அவருடைய நடனமும் ரசிகர்கள் மத்தியில் பெரிய வரவேற்பை பெற்று வருகிறது. அந்த வகையில் “தேவி” திரைப்படத்தில் இவர் அற்புதமான நடனத்தை வெளிப்படுத்தி இருப்பார்.

இந்நிலையில் தற்போது தனது சிறிய வயது மேடை நிகழ்ச்சி புகைப்படம் ஒன்றை பகிர்ந்து கொண்ட நடிகை தமன்னா, சிறிய வயதில் இருந்தே பிடித்தமான பாடல்களுக்கு நடனமாடுவது போல பெரிய மகிழச்சி எதுவும் இல்லை என்று குறிப்பிட்டு இருக்கிறார். மேலும் கடற்கரையில் நின்றுகொண்டு நடனம் ஆடியபடியே இருக்கும் வீடியோ ஒன்றையும் அவர் பகிர்ந்த நிலையில் ரசிகர்கள் ‘என்ஜாய் பண்ணுங்க…‘ என்று ஸ்மைலி எமோஜிகளை பதிவிட்டு வருகின்றனர்.

View this post on Instagram

A post shared by Tamannaah Bhatia (@tamannaahspeaks)