பாக்யராஜ் இயக்கி நடித்த ’முந்தானை முடிச்சு’ உள்பட பல திரைப்படங்களில் குழந்தை நட்சத்திரமாக நடித்தவர் நடிகை சுஜிதா. அதன்பின்னர் தொலைக்காட்சி சீரியல்களிலும் ஒருசில திரைப்படங்களில் குணசித்திர நடிகையாகவும் இவர் நடித்தார் என்பது குறிப்பிடத்தக்கது. குறிப்பாக தற்போது பிரபலமாக ஒளிபரப்பாகிக் கொண்டிருக்கும் பாண்டியன் ஸ்டோர்ஸ்’ சீரியலில் மூத்த அண்ணனின் மனைவியாக தனம் என்ற கேரக்டரில் நடித்து வருகிறார் என்பது அனைவரும் அறிந்ததே.

இந்நிலையில் நடிகை சுஜிதாவுக்கும் விளம்பரப் படங்களை இயக்கும் தனுஷ் என்பவருக்கும் கடந்த சில ஆண்டுகளுக்கு முன் திருமணம் நடந்தது என்பதும் இந்த தம்பதிகளுக்கு ஒரு மகன் இருக்கிறார் என்பதும் குறிப்பிடத்தக்கது.

இந்த நிலையில் சமூக வலைதளங்களில் ஆக்டிவ்வாக, குறிப்பாக இன்ஸ்டாகிராமில் ஆக்டிவ்வாக இருக்கும் சுஜிதா, அவ்வப்போது எடுத்த போட்டோஷூட்களை பதிவுசெய்து வருவார். சீரியலில் நடிப்பது போலவே குடும்பபாங்கான போட்டோஷூட்களை தான் அவர் பெரும்பாலும் எடுப்பார் என்பது குறிப்பிடத்தக்கது.

இந்த நிலையில் தனது மகனும் தானும் ஒரே டிசைனில் அணிந்த உடைகளை அணிந்து சமீபத்தில் அவர் போட்டோ ஷூட்டை எடுத்துள்ளார். இந்த போட்டோஷூட்டில் உள்ள புகைப்படங்கள் வைரலாகி வருகின்றன என்பது குறிப்பிடத்தக்கது. குழந்தை நட்சத்திரமாக அறிமுகமாகி அதன் பின் திரைப்படங்கள் மற்றும் தொலைக்காட்சி சீரியல்களில் நடித்த சுஜிதாவுக்கு இவ்வளவு பெரிய மகனா? என்று அவருடைய மகனை பார்த்து ரசிகர்கள் ஆச்சரியமடைந்து தங்களது வாழ்த்துக்களை பதிவு செய்து வருகின்றனர்.

View this post on Instagram

A post shared by Sujitha Dhanush (@sujithadhanush)