போயஸ் கார்டனில் சசிகலா-ஸ்ரீதேவி சந்திப்பு
- IndiaGlitz, [Tuesday,December 27 2016]
மறைந்த முன்னாள் முதல்வர் ஜெயலலிதாவின் சமாதியில் தினமும் லட்சக்கணக்கானோர் அஞ்சலி செலுத்தி வரும் நிலையில் திரையுலகினர்களும் அஞ்சலி செலுத்தி வருகின்றனர்.
இந்நிலையில் பழம்பெரும் நடிகை ஸ்ரீதேவி நேற்று ஜெயலலிதாவுக்கு அஞ்சலி செலுத்திவிட்டு போயஸ் கார்டன் சென்று சசிகலாவை சந்தித்தார்.
ஜெயலலிதா நடிகையாக இருந்தபோது ஸ்ரீதேவி குழந்தை நட்சத்திரமாக அவருடன் நடித்துள்ளார். இருவரும் இணைந்து 'கந்தன் கருணை', 'நம் நாடு', ஆதிபராசக்தி போன்ற படங்களில் நடித்துள்ளனர்.
ஏற்கனவே ஜெயலலிதா மறைந்த தினத்தில் ஸ்ரீதேவி தனது சமூக வலைத்தளத்தில் இரங்கல் தெரிவித்திருந்தார் என்பது குறிப்பிடத்தக்கது.