பொதுவாக திரையுலகில் நடிகர்கள் எவ்வளவு வயதானாலும் ஹீரோவாகவே நடிப்பார்கள். ஆனால் அதே ஹீரோக்களுக்கு ஜோடியாக நடித்த நடிகைகள், அக்கா அம்மா அத்தை போன்ற வேடங்களில் நடிக்கத் தொடங்கி விடுவார்கள் என்பது தெரிந்ததே.

அந்த வகையில் அஜீத் விஜய் ஆகிய இருவருமே இன்னும் மாஸ் ஹீரோவாக நடித்துக் கொண்டிருக்கும் நிலையில் அவர்களுக்கு ஜோடியாக நடித்த நடிகைகள் அக்கா அம்மா வேடங்களில் நடிக்கத் தொடங்கி விட்டார்கள். அந்த வகையில் அஜீத், விஜய் ஹீரோயின் ஒருவர் தற்போது அத்தை வேடத்தில் நடிக்க ஒப்பந்தம் செய்யப்பட்டுள்ளதாக செய்திகள் வெளியாகியுள்ளது.

கமல், ரஜினி, அஜித், விஜய் உள்பட முன்னணி நாயகர்களுக்கு ஜோடியாக நடித்தவர் நடிகை சிம்ரன். இவர் தற்போது ஆகாஷ்பூரி என்ற தெலுங்கு நடிகர் நடிக்கும் ‘ரொமாண்டிக்’ என்ற படத்தில் நாயகிக்கு அம்மாவாக அதாவது நாயகனுக்கு அத்தையாக நடிக்க ஒப்புக் கொண்டுள்ளார்.

இந்த ஆகாஷ்பூரி பிரபல தெலுங்கு இயக்குனர் பூரிஜெகநாத் மகன் என்பதும், இந்த படத்தில்தான் நாயகனாக அறிமுகமாகிறார் என்பதும் குறிப்பிடத்தக்கது. ‘ரொமான்டிக்’ என்ற டைட்டில் வைக்கப்பட்டுள்ள இந்த படம், டைட்டிலுக்கேற்றவாறு செம ரொமான்டிக்காக உருவாகி வருகிறது. சமீபத்தில் இந்த திரைப்படத்தில் இடம்பெற்ற ஒரு பாடல் வெளியாகியது என்பதும் அந்த பாடலில் கவர்ச்சியின் உச்சகட்டமான காட்சிகள் இருந்தது என்பதும் குறிப்பிடத்தக்கது.