இன்றுடன் 24 ஆண்டுகள் ஆகிவிட்டது.. அஜித் படம் குறித்த நினைவுகளை பகிர்ந்த சிம்ரன்..!
- IndiaGlitz, [Sunday,April 30 2023]
அஜித் உடன் நடித்த சூப்பர் ஹிட் திரைப்படம் வெளியாகி இன்றோடு 24 ஆண்டுகள் ஆகிவிட்டது என்ற தனது நினைவுகளை நடிகை சிம்ரன் தனது இன்ஸ்டாகிராம் பக்கத்தில் பகிர்ந்து உள்ள நிலையில் இந்தப் பதிவு தற்போது வைரல் ஆகி வருகிறது.
கடந்த 1999 ஆம் ஆண்டு ஏப்ரல் 30ஆம் தேதி வெளியான திரைப்படம் ’வாலி’. எஸ்ஜே சூர்யா இயக்கத்தில் அஜித், சிம்ரன், ஜோதிகா, விவேக் உள்பட பலர் நடிப்பில் உருவான இந்த படம் மிகப்பெரிய வெற்றி பெற்றது என்பதும் இந்த படம் வசூலில் சக்கை போடு போட்டது என்பது குறிப்பிடத்தக்கது.
அஜித்தின் திரை உலக வாழ்வில் ஒரு திருப்பத்தை ஏற்படுத்திய இந்த படத்தில் அவர் அண்ணன் தம்பி என்ற இரண்டு வித்தியாசமான கேரக்டரில் நடித்திருப்பார் என்பதும் அதிலும் வில்லன் வேடத்தில் நடித்த கேரக்டர் மிகப்பெரிய அளவில் ரசிகர்கள் மத்தியில் வரவேற்பு பெற்றது என்பது குறிப்பிடத்தக்கது.
இந்த நிலையில் ’வாலி’ திரைப்படம் வெளியாகி இன்றோடு சரியாக 24 ஆண்டுகள் நிறைவடைந்ததை அடுத்து நடிகை சிம்ரன் தனது நினைவலைகளை இன்ஸ்டாகிராம் பக்கத்தில் பகிர்ந்து உள்ளார். ’வாலி’ திரைப்படத்தின் 24 வது ஆண்டு நிறைவை கொண்டாடுவதில் மகிழ்ச்சி அடைகிறேன். காலத்தால் அழியாத கிளாசிக் திரைப்படம், இன்றளவும் இந்த படம் நம்மை வசீகரிக்கும். இந்த படத்தில் உங்களுக்கு பிடித்த காட்சிகள் என்ன? என்று பதிவு செய்துள்ளார். இந்த பதிவுக்கு ஏராளமான ரசிகர்கள் தங்களுக்கு பிடித்த காட்சிகளை கமெண்ட்ஸ் பகுதியில் பதிவு செய்து வருகின்றனர்.