ஷாமிலியின் ரீ-எண்ட்ரி படம் பூஜையுடன் தொடங்கியது
- IndiaGlitz, [Wednesday,September 16 2015]
மணிரத்னம் இயக்கிய 'அஞ்சலி' படத்தின் மூலம் குழந்தை நட்சத்திரமாக அறிமுகமான ஷாமிலி, தற்போது நாயகியாக மீண்டும் கோலிவுட்டுக்கு அறிமுகமாகிறார். விக்ரம் பிரபு நடிக்கும் 'வீர சிவாஜி' என்ற படத்தில் நடிக்க அவர் கடந்த சில நாட்களுக்கு முன்னர் ஒப்பந்தம் செய்யப்பட்டிருந்த நிலையில் இன்று இந்த படத்தின் பூஜை, புதுச்சேரியில் நடைபெற்றது.
'வீரசிவாஜி' படத்தின் தொடக்கவிழாவில் விக்ரம் பிரபு, பிரபு, ஷாமிலி, ஷாமிலியின் தந்தை, இயக்குனர் கணேஷ் விநாயக் உள்பட பலர் கலந்து கொண்டனர். பூஜையை தொடர்ந்து இன்றே படப்பிடிப்பு ஆரம்பிக்கப்பட்டு ஒருசில காட்சிகள் படமாக்கப்படவுள்ளதாக கூறப்படுகிறது.
இன்று புதுச்சேரியில் தொடங்கவுள்ள இந்த படத்தின் படப்பிடிப்பு தொடர்ந்து 30 நாட்களுக்கு நடைபெறும் என்று இயக்குனர் கணேஷ் விநாயக் தரப்பில் கூறப்பட்டுள்ளது. கணேஷ் விநாயக் ஏற்கனவே அருள்நிதி நடித்த 'தகராறு' படத்தை இயக்கியவர் என்பது குறிப்பிடத்தக்கது. இந்த படத்தை 'ரோமியோ ஜூலியட்' படத்தை தயாரித்த நந்தகோபால் தயாரிக்கின்றார். இந்த படத்தை அடுத்து ஷாமிலி, தனுஷ் நடிக்கும் படம் ஒன்றிலும் நடிக்க ஒப்பந்தமாகியுள்ளார் என்பது குறிப்பிடத்தக்கது.