விக்ரம், அனுஷ்கா நடிப்பில் இயக்குனர் ஏஎல் விஜய் இயக்கிய ’தெய்வத்திருமகள்’ என்ற படத்தில் குழந்தை நட்சத்திரமாக அறிமுகமாகி அனைவர் மனதையும் கவர்ந்தவர் பேபி சாரா என்பது தெரிந்ததே. விக்ரமுக்கு இணையாக குறிப்பாக கிளைமாக்ஸ் நீதிமன்ற காட்சியில் விக்ரமையே தூக்கி சாப்பிடும் அளவுக்கு நடிப்பை வெளிப்படுத்தியிருந்த பேபி சாராவுக்கு பாசிட்டிவ் விமர்சனங்கள் குவிந்தன.

தெய்வத்திருமகள் படத்தை அடுத்து ஏ.எல்.விஜய் இயக்கிய ‘சைவம்’ படத்திலும் பேபி சாரா முக்கிய வேடத்தில் நடித்திருந்தார் என்பது குறிப்பிடத்தக்கது. மேலும் சமீபத்தில் வெளியான ’சில்லுக்கருப்பட்டி’ படத்திலும் ஒரு முக்கிய வேடத்தில் நடித்திருந்தார் என்பது குறிப்பிடத்தக்கது.

இந்த நிலையில் பேபி சாராவாக இருந்தவர் தற்போது குமாரி சாராவாக மாறி தனது சமூக வலைத்தளத்தில் அவ்வப்போது அசத்தலான புகைப்படங்களை வெளியிட்டு வருகிறார். இதன் மூலம் தான் நாயகியாக நடிக்க தயாராகி விட்டதை அவர் மறைமுகமாக குறிப்பிட்டுள்ளதாகவும் கூறப்படுகிறது. தற்போது குமாரி சாராவின் புகைப்படங்கள் சமூக வலைதளங்களில் வைரலாகி வரும் நிலையில் விரைவில் அவர் தமிழ் திரைப் படத்தில் நாயகியாக நடிக்க ஒப்பந்தம் ஆனாலும் ஆச்சரியப்படுவதற்கு இல்லை என்பது குறிப்பிடத்தக்கது.