குடிபோதையில் தயாரிப்பாளரை தாக்கிய பிரபல தமிழ் நடிகை: பெரும் பரபரப்பு
- IndiaGlitz, [Monday,December 30 2019]
கன்னட திரையுலகில் பிரபல நடிகையாக இருந்துவரும் சஞ்சனா கல்ராணி தற்போது தமிழில் அருண்விஜய்யுடன் ‘பாக்சர்’ என்ற படத்திலும் விஜய் டிவி ராமர் நடிக்கும் ’போடா முண்டம்’ என்ற படத்திலும் நடித்து வருகிறார். இவர் பிரபல தமிழ் நடிகை நிக்கி கல்ராணியின் சகோதரி என்பது குறிப்பிடத்தக்கது
இந்த நிலையில் சமீபத்தில் இரவு நேர பார்ட்டி ஒன்றில் கலந்து கொண்ட சஞ்சனா கல்ராணி, அந்த பார்ட்டியின் போது போதை அதிகமாகி தயாரிப்பாளர் ஒருவரை பீர் பாட்டிலால் தாக்கியதாக போலீசில் புகார் அளிக்கப்பட்டுள்ளது
இதனையடுத்து போலீசார் இதுகுறித்து விசாரித்தபோது தயாரிப்பாளருடன் சஞ்சனா கல்ராணி காரசாரமாக விவாதம் நடத்தியது உண்மைதான் என்றும் ஆனால் சஞ்சனா கல்ராணி பீர் பாட்டிலால் தாக்கவில்லை என்றும் தெரியவந்தது. இதுகுறித்து போலீசார் மேலும் விசாரணை செய்து வருகின்றனர்