உங்களை சூப்பர் ஹியூமனாக மாற்றும் சக்தி இது ஒன்றுதான் என நடிகை சமந்தா தனது இன்ஸ்டாகிராமில் பதிவு செய்துள்ள புகைப்படத்திற்கு ஏராளமான லைக்ஸ் குவிந்து வருகிறது.

தமிழ் தெலுங்கு திரை உலகின் முன்னணி நடிகைகளில் ஒருவர் சமந்தா என்பதும் இவர் சமீபத்தில் மயோசிட்டிஸ் என்ற நோயால் பாதிக்கப்பட்ட தற்போது குணமாகி உள்ளார் என்பதும் தெரிந்ததே. இந்த நிலையில் அடிக்கடி ஆன்மீகப் பயணம் செய்வதில் சமந்தாவுக்கு ஈடுபாடு அதிகம் என்றும் அது குறித்த புகைப்படங்களையும் அவர் பதிவு செய்வார் என்பது தெரிந்ததே.

இந்த நிலையில் சற்றுமுன் அவர் தனது வீட்டில் உள்ள லிங்க பைரவி முன் அமர்ந்து வழிபடும் புகைப்படத்தை பகிர்ந்து உள்ளார். அதில் அவர் கூறியிருப்பதாவது: சில சமயங்களில் சூப்பர் ஹியூமன் சக்தி தேவையில்லை என்பதுதான் எனது கருத்து. நம்பிக்கை உங்களை எங்கு வேண்டுமானாலும் கொண்டு செல்லும். நம்பிக்கை உங்களை அமைதியாக வைத்திருக்கும், நம்பிக்கை உங்கள் ஆசிரியராகவும் நண்பராகவும் மாறும். மொத்தத்தில் நம்பிக்கையே உங்களை சூப்பர் ஹியூமனாக மாற்றும் என்று தெரிவித்துள்ளார். சமந்தாவின் இந்த பதிவுக்கு ஏராளமான லைக்ஸ் கிடைத்து வருகிறது.

இந்த நிலையில் சமந்தா நடித்த ’சாகுந்தலம்’ திரைப்படம் வரும் ஏப்ரல் 14ஆம் தேதி வெளியாக உள்ளது என்பதும் அதேபோல் விஜய் தேவரகொண்டா உடன் சமந்தா நடித்து வரும் ’குஷி’ படத்தின் அடுத்த கட்ட படப்பிடிப்பு விரைவில் தொடங்க உள்ளது என்பதும் குறிப்பிடத்தக்கது.

View this post on Instagram

A post shared by Samantha (@samantharuthprabhuoffl)