கொரோனா நேரத்தில் பிரபலங்கள் பலரும் மாலத்தீவுக்கு படையெடுத்து வருகின்றனர். அந்த வகையில் தற்போது பாலிவுட்டின் பிரபல மாடல் அழகியும் நடிகையுமான சாக்ஷி மாலிக் தனது காதலருடன் மாலத்தீவு சென்றுள்ளார். அங்கு அவர் நீச்சல் குளத்தில் எடுத்துக் கொண்ட புகைப்படத்தை தனது இன்ஸ்டாகிராம் பக்கத்தில் பதிவிட்டு உள்ளார்.

“பாம் டிக்கி பாம்” எனும் இசை ஆல்பத்தின் மூலம் இந்தியா முழுக்கவே பேசப்பட்டவர் பிரபல மாடல் சாக்ஷி மாலிக். இவர் தொடர்ந்து இசை ஆல்பம் மற்றும் சினிமாக்களிலும் கவனம் செலுத்தி வருகிறார். அதோடு இன்ஸ்டாவில் 6 மில்லியன் ஃபாலோயர்களை கொண்ட சாக்ஷிமாலிக் தனது ஒவ்வொரு அசைவையும் இன்ஸ்டாவில் பதிவிட்டு வருகிறார். இந்தப் பதிவுகள் நெட்டிசன்கள் மத்தியில் பெரிதும் வரவேற்கப் படுகின்றன.

அந்த வகையில் தற்போது மாலத்தீவு சென்றுள்ள நடிகை சாக்ஷிமாலிக் அங்கு காதலருடன் நீச்சல் குளத்தில் இருப்பது போன்ற புகைப்படங்களை வெளியிட்டு இருக்கிறார். அந்த புகைப்படங்கள் தற்போது நெட்டிசன்கள் மத்தியில் பெரும் வரவேற்பு பெற்றுள்ளது. கொரோனா காலத்திலும் பிரபலங்கள் பலரும் மாலத்தீவுக்கு படையெடுத்து வருவது வாடிக்கையாகவே இருந்து வருகிறது. இதுகுறித்து சில விமர்சனங்களும் எழுந்து உள்ளன.

அதாவது நாடு முழுவதும் கொரோனா தாக்கம் தலைவிரித்தாடுகிறது. இந்நேரத்தில் பிரபலங்கள் சொகுசாக இருந்தால் அதைத் தனிப்பட்ட முறையில் வைத்துக் கொள்ளவும். ஆனால் பொறுப்பே இல்லாமல் இணையத்தில் கவர்ச்சி புகைப்படங்களை பதிவிட்டு மக்களின் ஆத்திரத்தை கிளப்ப வேண்டாம் என்று சில முக்கியப் பிரபலங்கள் மற்றும் நெட்டிசன்களும் விமர்சிக்கத் தொடங்கி விட்டனர்.

இந்நிலையில் நடிகை சாக்ஷி மாலிக்கைத் தவிர பாலிவுட்டின் முன்னணி நடிகை ஆலியாபட் தனது காதலர் ரன்பீர் கபூருடன் மாலத்தீவுக்கு சென்றுள்ளார். அதேபோல நடிகை ஸ்ரீதேவியின் மகள் ஜான்வி கபூர், சாரா அலிகான் தற்போது சாக்ஷி மாலிக் எனப் பலரும் மாலத்தீவில் தங்களது பொழுதை கழித்து வருகின்றனர் என்பதும் குறிப்பிடத்தக்கது.
 

View this post on Instagram

A post shared by Sakshi Malik (@sakshimalikk)