கடந்த  1990கள் மற்றும் 2000ஆம் ஆண்டுகளில் பிரபல நடிகையாக இருந்தவர் நடிகை ரோஜா. ரஜினியுடன் உழைப்பாளி, வீரா போன்ற படங்களிலும் மற்றும் பால் முன்னணி நடிகர்கள் பலருடனும் நடிகை ரோஜா  ஜோடியாக நடித்துள்ளார். தற்போது ஆந்திராவில் ஒய்.எஸ்.ஆர் காங்கிரஸ் கட்சியின் எம்.எல்.ஏவாகவும் உள்ளார்.

இந்த நிலையில் நேற்றிரவு திருப்பதியில் இருந்து ஐதராபாத்திற்கு இண்டிகோ விமானத்தில் ரோஜா உள்பட பயணிகள் பலர் வந்து கொண்டிருந்தனர். அப்போது விமானம் ஐதராபாத் விமான நிலையத்தில் தரையிறங்கும்போது திடீரென விமானத்தின் டயர் வெடித்து டயர் இருந்த இடத்தில் நெருப்பு தோன்றியது

இதனால் பயணிகள் அதிர்ச்சி அடைந்தனர். இருப்பினும் விமானி திறமையாக விமானத்தை தரையிறக்கினார். இந்த நிலையில் விமான நிலையத்தில் இருந்த தீயணைப்பு துறையினர் டயர் பகுதியில் ஏற்பட்ட தீயை உடனே அணைத்து ரோஜா உள்பட அனைத்து பயணிகளையும் பத்திரமாக விமானத்தில் இருந்து இறக்கினர். இதனையடுத்து ஐதராபாத் விமான நிலையத்தில் தரையிறங்கவேண்டிய ஒருசில விமானங்கள் சென்னைக்கு திருப்பிவிடப்பட்டன.